കണ്ണൂർ : പൊതുജനങ്ങൾക്ക് കുറഞ്ഞ ചിലവിൽ മികച്ച ആരോഗ്യ-അപകട പരിരക്ഷ ഉറപ്പാക്കുക എന്ന ലക്ഷ്യത്തോടെ ഇന്ത്യ പോസ്റ്റ് പേയ്‌മെന്റ്സ് ബാങ്ക് (IPPB) അവതരിപ്പിക്കുന്ന ഇൻഷുറൻസ് പദ്ധതി. നിലവിലുള്ള ഇൻഷുറൻസ് പദ്ധതികളിൽ നിന്നും തികച്ചും ആകർഷകവും സാധാരണക്കാർക്ക് താങ്ങാനാവുന്നതുമായ പ്രീമിയം നിരക്കുകളുമായാണ് ഈ പദ്ധതി അവതരിപ്പിച്ചിരിക്കുന്നത്.

വെറും 557 രൂപയ്ക്ക് 10 ലക്ഷത്തിന്റെ അപകട ഇൻഷുറൻസ്

വർഷത്തിൽ വെറും 557 രൂപ മാത്രം പ്രീമിയം അടച്ചുകൊണ്ട് 10 ലക്ഷം രൂപയുടെ  അപകട ഇൻഷുറൻസ് കവറേജ് സ്വന്തമാക്കാനുള്ള അവസരമാണ് തപാൽ വകുപ്പ് ഒരുക്കുന്നത്. അപകട മരണങ്ങൾ, പൂർണ്ണമായോ ഭാഗികമായോ സംഭവിക്കുന്ന വൈകല്യങ്ങൾ എന്നിവയ്ക്ക് 10 ലക്ഷം രൂപ വരെ ഈ പദ്ധതിയിലൂടെ പരിരക്ഷ ലഭിക്കും. ഇതിനുപുറമേ, അപകടം മൂലമുണ്ടാകുന്ന ആശുപത്രിവാസത്തിന് 50,000 രൂപ വരെയും, പ്രതിദിനം 500 രൂപ നിരക്കിൽ പരമാവധി 10 ദിവസത്തേക്ക് ഹോസ്പിറ്റൽ ക്യാഷ് സൗകര്യവും പദ്ധതി ഉറപ്പുനൽകുന്നു. പോളിസി ഉടമയുടെ അഭാവത്തിൽ കുട്ടികളുടെ വിദ്യാഭ്യാസ ആനുകൂല്യങ്ങൾക്കായി 50,000 രൂപ വരെയും ലൈഫ് സ്റ്റൈൽ മോഡിഫിക്കേഷനായി 10,000 രൂപയും , കൂടാതെ പോളിസിയിൽ അംഗമാകുന്ന എല്ലാവർക്കും വർഷത്തിൽ Rs 3500/- രൂപയുടെ ഫ്രീ ഹെൽത്ത് ചെക്കപ്പ് ചെയ്യുവാനുള്ള അവസരവും ഈ പ്ലാനിലൂടെ ലഭ്യമാകും.

ആരോഗ്യ സുരക്ഷയ്ക്കായി സൂപ്പർ ടോപ്പ് അപ്പ് പ്ലാൻ

ആരോഗ്യ ഇൻഷുറൻസ് മേഖലയിലും ആകർഷകമായ കവറേജുകൾ,ആകർഷകമായ പ്രീമിയം . പ്രതിവർഷം 756 രൂപ മുതൽ ആരംഭിക്കുന്ന പ്രീമിയം നിരക്കിൽ 15 ലക്ഷം രൂപ വരെയുള്ള സൂപ്പർ ടോപ്പ് അപ്പ് പ്ലാൻ ലഭ്യമാണ് (ആദ്യത്തെ 2 ലക്ഷം രൂപ വരെയുള്ള കവറേജ് ഒഴികെ). മുതിർന്നവർക്കും കുട്ടികൾക്കും ഒരുമിച്ച് ചേരാവുന്ന വിവിധ ഫാമിലി കോമ്പിനേഷനുകളും ഇതിലുണ്ട്. ആയുഷ് കവറേജ്,ഹോം നഴ്സിങ് ബെനിഫിറ്റ്  ചികിത്സ സൗകര്യം  എന്നിങ്ങനെ ഒട്ടനവധി സവിശേഷതകൾ.കൂടാതെ  രണ്ട് ലക്ഷം രൂപ വരെയുള്ള പ്രാഥമിക ആരോഗ്യ ഇൻഷുറൻസ് പദ്ധതികളും 
ലഭ്യമാണ്. 

പ്രായപരിധിയും ആവശ്യമായ രേഖകളും

18 വയസ്സ് മുതൽ 65 വയസ്സ് വരെയുള്ള ഏതൊരു ഇന്ത്യൻ പൗരനും ഈ ഇൻഷുറൻസ് പദ്ധതികളിൽ പങ്കാളികളാകാം. പദ്ധതിയിൽ അംഗമാകാൻ താല്പര്യമുള്ളവർ ആധാർ കാർഡ്, പാൻ കാർഡ്,നോമിനിയുടെ ജനനത്തീയതി വിവരങ്ങൾ, ഒ.ടി.പി (OTP) ലഭിക്കുന്നതിനായുള്ള മൊബൈൽ ഫോൺ എന്നിവയുമായി എത്തിയാൽ മതിയാകും. ഇന്ത്യ പോസ്റ്റ് പേയ്‌മെന്റ്സ് ബാങ്കിൽ (IPPB) അക്കൗണ്ട് ഇല്ലാത്തവർക്ക് വെറും 200 രൂപ നൽകി പുതിയ അക്കൗണ്ട് ആരംഭിച്ച് പദ്ധതിയുടെ ഭാഗമാകാവുന്നതാണ്.

ശ്രദ്ധിക്കുക.........

നിലവിൽ ഗുരുതരമായ അസുഖങ്ങളോ മറ്റ് ആരോഗ്യ പ്രശ്നങ്ങളോ ഉള്ളവർക്ക് ഈ പോളിസി എടുക്കാൻ സാധിക്കില്ലെന്ന് അധികൃതർ വ്യക്തമാക്കിയിട്ടുണ്ട്. കൂടുതൽ വിവരങ്ങൾക്കായി പൊതുജനങ്ങൾക്ക് തങ്ങളുടെ അടുത്തുള്ള പോസ്റ്റ് ഓഫീസുകളുമായും , കണ്ണൂർ ഹെഡ് പോസ്റ്റ് ഓഫീസിലെ ഇന്ത്യ പോസ്റ്റ് പേയ്മെൻ്റ് ബാങ്ക് ബ്രാഞ്ച് ഓഫീസുമായും ബന്ധപ്പെടാവുന്നതാണ്.
കൂടുതൽ വിവരങ്ങൾക്ക് - Ph 04972700090 , 7594007299