ധർമ്മശാല :കേരള പൊലീസ് ഓഫീസേഴ്സ് അസോസിയേഷൻ കേരള പോലീസ് അസോസിയേഷൻ കണ്ണൂർ റൂറൽ ജില്ലാ കമ്മിറ്റികളുടെ ആഭിമുഖ്യത്തിൽ സർവീസിൽ നിന്നും വിരമിക്കുന്ന 14പോലീസ് ഉദ്യോഗസ്ഥർക്ക് യാത്രയയപ്പ് നൽകി. മാങ്ങാട്ട് പറമ്പ് കെഎ പി 4 സ്മാർട്ട് ക്ലാസ് റൂമിൽ നടന്ന യാത്രയയപ്പ് ചടങ്ങ് കണ്ണൂർ റൂറൽ ജില്ലാ പോലീസ് മേധാവി അനൂജ് പാലിവാൾ ഐ പി എസ് ഉദ്ഘാടനം ചെയ്തു ഉപഹാര സമർപ്പണം നടത്തി.

 അഡീഷണൽ എസ്പി ജയരാജ് എൻ ആർ മുഖ്യാതിഥിയായി. സ്പെഷ്യൽ ബ്രാഞ്ച് ഡിവൈഎസ്പി കെ ഇ പ്രേമചന്ദ്രൻ കേരള പോലീസ് ഓഫീസേഴ്സ് അസോസിയേഷൻ സംസ്ഥാന എക്സിക്യൂട്ടീവ് അംഗം അനീഷ് കെ പി, കേരള പോലീസ് അസോസിയേഷൻ കണ്ണൂർ റൂറൽ ജില്ലാ സെക്രട്ടറി കെ പ്രിയേഷ് എന്നിവർ സംസാരിച്ചു. കേരള പോലീസ് അസോസിയേഷൻ കണ്ണൂർ റൂറൽ ജില്ലാ പ്രസിഡണ്ട് ജയേഷ് ടിവി അധ്യക്ഷനായി. കെ പി ഒ എ കണ്ണൂർ റൂറൽ ജില്ലാ സെക്രട്ടറി രമേശൻ എൻ വി സ്വാഗതവും സാഹിദ കെ പി നന്ദിയും പറഞ്ഞു.