പരിയാരം: ഏഴിലോട് പള്ളിയില്‍ ലഹരിക്ക് അടിമപെട്ട യുവാവ് അക്രമാസക്തനായി. മുഅദ്ദിനടക്കം മൂന്ന് പേര്‍ക്ക് കുത്തേറ്റു . പഴയങ്ങാടി പൊലി സെത്തിയാണ് യുവാവിനെ കീഴടക്കി കസ്റ്റഡിയിലെടുത്തത്.ഇന്നലെ രാത്രി 10:45 നാണ് ലഹരിക്ക് അടിമയായ പ കാസര്‍കോട് സ്വദേശി സിയാദ് അബ്ദുല്ല അക്രമാസക്തനായത്.

 ഇയാൾ പള്ളിയിൽ നാശനഷ്‌ടങ്ങൾ വരുത്താൻ ശ്രമിച്ചു.ഇതു തടയാന്‍ ശ്രമിച്ച പള്ളി മുഅദ്ദിനും കമ്മിറ്റി ഭാരവാഹികള്‍ക്കും നേരെ മാരകായുധങ്ങളുമായി പ്രതി പാഞ്ഞടുകയായിരുന്നു.കുത്തേറ്റ മുഅദ്ദിന്‍ മഞ്ചേരി സ്വദേശി മുഹമ്മദ് ആഷിക്(24), മസ്ജിദ് കമ്മിറ്റി ഭാരവാഹികളായ നസീര്‍ അന്ന (47), കെ.എം.സമീര്‍ (37) എന്നിവരെ പരിക്കുകളോടെ പയ്യന്നൂര്‍ ഗവ. താലൂക്ക് ആശുപത്രിയില്‍ പ്രവേശിപ്പിച്ചു.