കണ്ണൂർ: വൃക്ക ദാതാവിനെ കണ്ടെത്തി തരാമെന്ന് വിശ്വസിപ്പിച്ച് അഞ്ചു ലക്ഷം രൂപ വാങ്ങി വഞ്ചിച്ചുവെന്ന യുവതിയുടെ പരാതിയിൽ ടൗൺ പോലീസ് കേസെടുത്തു. ചിറക്കൽ പുതിയ തെരുവിലെ കെ.ശ്രീഷ (47)യുടെ പരാതിയാണ് ആറളം സ്വദേശി സത്താറിനെതിരെ പോലീസ് കേസെടുത്തത്.

പരാതിക്കാരിയുടെ കിഡ്നി മാറ്റിവെക്കുന്നതായി ദാതാവിനെ കണ്ടെത്തി തരാമെന്ന് വിശ്വസിപ്പിച്ച പ്രതി2024 മാർച്ച് 16 നും 2025 നവംബർ 21 നുമിടയിലുള്ള ദിവസങ്ങളിൽ പരാതിക്കാരിയിൽ നിന്നും പലതവണകളായി അഞ്ചുലക്ഷം രൂപ കൈക്കലാക്കി വൃക്ക ദാതാവിനെ കണ്ടെത്തി നൽകാതെയും കൈപ്പറ്റിയ പണം തിരികെ നൽകാതെയും വഞ്ചിച്ചുവെന്ന പരാതിയിലാണ് ടൗൺ പോലീസ് കേസെടുത്തത്.