തളിപ്പറമ്പ: ജനുവരി 21, 22, 23 തീയതികളിൽ തളിപ്പറമ്പിൽ നടത്താൻ നിശ്ചയിച്ച സി.പി.എം ജില്ലാ സമ്മേളനം ഫെബ്രുവരി 1, 2, 3 തീയതികളിലേക്ക് മാറ്റി. പ്രതിനിധി സമ്മേളനം തൃച്ചംബരം പൂക്കോത്ത് നടയിൽ കെ. കെ. എൻ പരിയാരം ഹാളിലും (കോടിയേരി ബാലകൃഷ്ണൻ നഗർ) പൊതുസമ്മേളനം ഉണ്ടപ്പറമ്പിലെ പ്രത്യേകം സജ്ജമാക്കിയ സീതാറാം യെച്ചൂരി നഗറിലുമാണ് നടക്കുക. ഉണ്ടപ്പറമ്പിൽ സെവൻസ് ഫുട്ബോൾ ടൂർണ്ണമെൻ്റ് നടക്കുന്നതിനാലാണ് സമ്മേളനം മാറ്റിവെച്ചത്.