തലശ്ശേരി: കോൺഗ്രസ് ധർമ്മടം മണ്ഡലം പ്രസിഡന്റ് പി.ടി. സനൽകുമാർ സ്ഥാനം രാജിവച്ചു. പാർട്ടിയിൽ തനിക്കെതിരെ നടക്കുന്ന നീക്കങ്ങളിലും അടിസ്ഥാനരഹിതമായ ആരോപണങ്ങളിലും പ്രതിഷേധിച്ചാണ് തീരുമാനമെന്ന് അദ്ദേഹം വ്യക്തമാക്കി.

കഴിഞ്ഞ തദ്ദേശ സ്വയംഭരണ തിരഞ്ഞെടുപ്പിൽ ധർമ്മടം ഗ്രാമപഞ്ചായത്തിലെ 17-ാം വാർഡിൽ നിന്നും സനൽകുമാർ മത്സരിച്ചിരുന്നുവെങ്കിലും പരാജയപ്പെട്ടിരുന്നു. ഇതിന് പിന്നാലെ പാർട്ടിയിലെ ആഭ്യന്തര പ്രശ്നങ്ങളും വ്യാജ ആരോപണങ്ങളും തന്നെ മാനസികമായി വിഷമിപ്പിച്ചതാണ് രാജിക്ക് പ്രേരിപ്പിച്ചതെന്ന് അദ്ദേഹം പറഞ്ഞു. രാജിക്കത്ത് പാർട്ടി നേതൃത്വത്തിന് കൈമാറിയിട്ടുണ്ട്