കണ്ണൂർ: ലോക പ്രമേഹ ദിനത്തോടനുബന്ധിച്ച് കാനനൂർ റോട്ടറി ക്ലബും ലബോറട്ടറി ശൃംഖലയായ യൂനോ മെഡ് ലാബും നവംബർ14ന് കണ്ണൂർ താണയിലെ ലാബ് പരിസരത്ത് സൗജന്യ പ്രമേഹ പരിശോധന ക്യാമ്പ് നടത്തുന്നു. രാവിലെ 7 മണി മുതൽ ഒരു മണി വരെയാണ് ക്യാമ്പ് . ക്യാമ്പിൽ പങ്കെടുക്കാൻ മുൻകൂട്ടിയുള്ള ബുക്കിംഗ് ആവശ്യമില്ല. 

ക്യാമ്പിൽ ബ്ലഡ് ഷുഗർ, പ്രഷർ തുടങ്ങിയ പരിശോധനകളും സൗജന്യമായി നടക്കും. അന്താരാഷ്ട്ര നോട്ടറി പ്രസ്ഥാനത്തിന്റെ ഈ വർഷത്തെ സന്ദേശം ആയ ക്രിയേറ്റ് എ ലാസ്റ്റിംഗ് ഇംപാക്ട് എന്ന ആശയം മുൻനിർത്തിയാണ് ക്യാമ്പ് നടക്കുന്നത്. കാനനൂർ റോട്ടറി ക്ലബ്ബ് പ്രസിഡൻറ് ഒ.സി. ഉദയകുമാർ , അഡ്വക്കേറ്റ് ജോർജ് കെ. തോമസ്, മുഹമ്മദ് സഫീർ എം. ടി.പി എന്നിവർ വാർത്താസമ്മേളനത്തിൽ പങ്കെടുത്തു.