കൂത്തുപറമ്പ്: ചെറുവാഞ്ചേരി-വലിയ വെളിച്ചം റോഡിലൂടെയുള്ള രാത്രി യാത്രക്കാർ ജാഗ്രതൈ. റോഡിനു കുറുകെ കയർ കെട്ടി പ്രത്യേകിച്ച് ഇരുചക്രവാഹനക്കാരായ യാത്രക്കാരെ വീഴ്ത്താൻ ശ്രമിക്കുന്ന സംഘം  ഇവിടെ വിഹരിക്കുകയാണ്.

കഴിഞ്ഞ ദിവസങ്ങളിലായി വലിയവെളിച്ചം - കൂത്തു പറമ്പ് റോഡിൽ ഇത്തരം ശ്രമങ്ങൾ നടന്നു. രാത്രി കാല ങ്ങളിൽ ജോലികഴിഞ്ഞുവരുന്നവരും നാട്ടുകാരുമായ ബൈക്ക് യാത്രക്കാരെ അപകടത്തിലാക്കി പണം കവരാനുള്ള ശ്രമമാണ് ഈ ബോധപൂർവ്വം സൃഷ്ടിച്ച അപകടത്തിന് പിന്നിലെന്നാണ് കരുതുന്നത്.

കയർകെട്ടിയ സ്ഥലത്ത് നിന്നും കഴിഞ്ഞ ദിവസം ബൈക്ക് യാത്രക്കാർ വീഴാതെ രക്ഷപ്പെട്ടത് അദ്ഭുതകരമായാണ്. പരാതി ലഭിച്ചതിന്റെ അടിസ്ഥാനത്തിൽ കണ്ണവം പോലീസ് അന്വേഷണം തുടങ്ങിയിട്ടുണ്ട്.