കണ്ണൂർ :  ചക്കരക്കൽ വീടുകളെഭാഗവതതത്ത്വശാസ്ത്ര വിശകലനത്തിൻ്റെ കളരിയാക്കുന്ന, ഭവനം ഭാഗവത ഭൂമിക പദ്ധതി നടത്തി.മുഴപ്പാല ബംഗ്ലാവ് മെട്ടയിൽ മുരളീധരൻ സീമ ദമ്പതികളുടെ ഗോകുലാമൃതത്തിലാണ് ഒമ്പതാമത് യജ്ഞം നടന്നത്.

ദുരിതങ്ങളിൽ മനസ്സിനെ ഉയർത്തി നിർത്താൻ പഠിപ്പിക്കുന്ന ഗോവർധനോദ്ധാരണം ,ഗോവി ന്ദാഭിഷേകം തുടങ്ങിയ പ്രധാനഭാഗങ്ങൾ പാരായണവും പ്രഭാഷണവും നടത്തി. യജ്ഞാചാര്യൻ എ കെ നാരായണൻ നമ്പൂതിരി കൈതപ്രം ,ടി ഉണ്ണികൃഷ്ണവാര്യർ പട്ടാനൂർ, കെ എൻ രാധാകൃഷ്ണൻ മാസ്റ്റർ നാറാത്ത് , വി വി മുരളീധരവാര്യർ കല്യാശ്ശേരി എന്നിവർ പ്രഭാഷണം നടത്തി. 

വി കെ എസ് നമ്പ്യാർ നാമജപംനടത്തി. ഈശാനമംഗലം നാരായണീയ സമിതി നാരായണീയ പാരായണത്തിന് നേതൃത്വം നൽകി. ശ്രീഫല സമർപ്പണം സമൂഹവിഷ്ണുസഹസ്രനാമാർച്ചന, കീർത്തനാലാപനം , പൂജകൾ എന്നിവയോടെ ഉദയം മുതൽ അസ്തമയം വരെ പരിപാടികൾ നടന്നു.