കണ്ണൂർ: വരാനിരിക്കുന്ന നിയമസഭാ തിരഞ്ഞെടുപ്പിന്റെ സുഗമമായ നടത്തിപ്പിനായി കണ്ണൂർ സിറ്റി പോലീസ് തയ്യാറാക്കിയ ഇലക്ഷൻ ഡിപ്ലോയ്മെന്റ് സ്കീം(സുരക്ഷാ വിന്യാസ പദ്ധതി) പ്രസിദ്ധീകരിച്ചു. കണ്ണൂർ സിറ്റി പോലീസ് കമ്മീഷണർ  നിധിൻരാജ് പി. ഐപിഎസാണ് സുരക്ഷാ പദ്ധതി ഔദ്യോഗികമായി പുറത്തിറക്കിയത്.

കമ്മീഷണർ ഓഫീസിൽ വെച്ച് നടന്ന ചടങ്ങിൽ സ്പെഷ്യൽ ബ്രാഞ്ച് അസിസ്റ്റന്റ് കമ്മീഷണർ ഓഫ് പോലീസ്  ജോൺ എ. വി., വളപട്ടണം പോലീസ് സ്റ്റേഷൻ എസ്.എച്ച്.ഒയും എ.എസ്.പിയുമായ. അഭിഷേക് ഷിറ ഐപിഎസ്, എസ്.ഐ.മാരായ ശ്രീ. അഷ്റഫ്, ഷാജി എന്നിവർ പങ്കെടുത്തു. 
തിരഞ്ഞെടുപ്പ് ഡ്യൂട്ടിക്കായി നിയോഗിക്കപ്പെട്ട ഉദ്യോഗസ്ഥരുടെ സേവനം കൃത്യമായി ഏകോപിപ്പിക്കുന്നതിനും സമാധാനപരമായ പോളിംഗ് ഉറപ്പുവരുത്തുന്നതിനും ഈ പുതിയ വിന്യാസ പദ്ധതി സഹായകമാകും.