കണ്ണൂർ : മുഖ്യമന്ത്രിപിണറായി വിജയൻ സ്വർണ്ണക്കടത്തിനുംസ്വർണ കവർച്ചക്കും ഒത്താശ നൽകുമ്പോൾ അണികളും സ്വർണ്ണ കവർച്ചയും പിടിച്ചുപറിയും തുടങ്ങിയിരിക്കുകയാണെന്നും അതിന്റെ ഉദാഹരണമാണ് കൂത്തുപറമ്പിൽ സി.പി.എം. കൗൺസിലർ വയോധികയുടെ സ്വർണ്ണമാല കവർച്ച ചെയ്തതെന്ന് കെ.പി.സി സി മെമ്പർ രാജീവൻ എളയാവൂർ ആരോപിച്ചു. 

ഓൾ കേരള പെയിൻ്റേഴ്സ് കോൺഗ്രസ്  കണ്ണൂർ ജില്ലാ മെമ്പർഷിപ്പ് ക്യാമ്പയിനും  തൊഴിലാളികൾക്കുള്ള ഐഡന്റിറ്റി കാർഡ് വിതരണവും  ഡി.സി.സി. ഓഡിറ്റോറിയത്തിൽ ഉദ്ഘാടനം ചെയ്തു പ്രസംഗിക്കുകയായിരുന്നു രാജീവൻ എളയാവൂർ.  പെയിന്റിംഗ് മേഖലയിലെ തൊഴിലാളികൾക്ക് ആരോഗ്യ -അപകട ഇൻഷുറൻസ് നടപ്പിലാക്കുന്നതിന് സർക്കാർ തയ്യാറാവണമെന്നും, മുടങ്ങിക്കിടക്കുന്ന 20 മാസത്തെ പെൻഷൻ അടിയന്തരമായി വിതരണം ചെയ്യാൻ നടപടി ഉണ്ടാകണമെന്നും, പെയിന്റിംഗ് മേഖലയിൽ കുത്തകകളുടെ കടന്നുകയറ്റം തടയണമെന്നും കൺവെൻഷൻ സർക്കാരിനോട് ആവശ്യപ്പെട്ടു ഓൾ കേരള പെയിന്റ്ർസ് കോൺഗ്രസ് ജില്ലാ കോർഡിനേറ്റർ കബീർ പയ്യന്നൂർ അധ്യക്ഷത വഹിച്ചു    ഐ.എൻ.ടി.യു.സി. ജില്ലാ ജനറൽ സെക്രട്ടറി എ. ടി. നിഷാത്ത് മുഖ്യപ്രഭാഷണം നടത്തി മുൻ കോർഡിനേറ്റർ അനൂപ് മാവിലായി സ്വാഗതവും മനോഹരൻ കേളകം നന്ദിയും പറഞ്ഞു ജോജി ജോസഫ് സംഘടന റിപ്പോർട്ട്‌ അവതരിപ്പിച്ചു ഹരീഷ് കുമാർ മുള്ളിക്കാട്ടിൽ, ദീപേഷ് മമ്മാങ്കുന്ന്  എന്നിവർ പ്രസംഗിച്ചു.‌‌