സ്കൂട്ടറിൽ കടത്തുകയായിരുന്ന 16 കുപ്പി മദ്യം പിടികൂടി 

തളിപ്പറമ്പ: സ്കൂട്ടറിൽ കടത്തുകയായിരുന്ന 16 കുപ്പി മദ്യം പിടികൂടി. തളിപ്പറമ്പ കാഞ്ഞിരങ്ങാട് കുമ്മായചൂള സ്വദേശി റോബി (48)യിൽ നിന്നാണ് മദ്യം പിടികൂടിയത്. അസിസ്റ്റന്റ് എക്സൈസ് ഇൻസ്പെക്ടർ അഷ്‌റഫ്‌ മലപ്പട്ടത്തിൻ്റെ നേതൃത്വത്തിലുള്ള പാർട്ടി തളിപ്പറമ്പിലെ  വിവിധ ഭാഗങ്ങളിൽ നടത്തിയ പരിശോധനയിലാണ് കാര്യമ്പലത്ത് വെച്ച് 8 ലിറ്റർ (16കുപ്പി) ഇന്ത്യൻ നിർമ്മിത വിദേശ മദ്യവുമായി ഇയാൾ പിടിയിലായത്.  

ഇയാൾക്കെതിരെ അബ്കാരി കേസ് എടുത്ത് അറസ്റ്റ് ചെയ്തു. മദ്യം കടത്താൻ ഉപയോഗിച്ച  KL 59 X 7395 TVS Jupiter സ്കൂട്ടറും കസ്റ്റഡിയിൽ എടുത്തിട്ടുണ്ട്.  പർട്ടിയിൽ അസിസ്റ്റന്റ് എക്സൈസ് ഇൻസ്‌പെക്ടർമാരായ രാജേഷ്. കെ , രാജീവൻ പച്ചക്കൂട്ടത്തിൽ, സിവിൽ എക്സൈസ് ഓഫീസർമാരായ വിജിത്ത്. ടി. വി, കലേഷ്. എം, എക്സൈസ് ഡ്രൈവർ അനിൽ കുമാർ.സി. വി എന്നിവരും പാർട്ടിയിൽ ഉണ്ടായിരുന്നു