ആലപ്പുഴ :  കലവൂർ ഗവ. ഹൈസ്കൂളിലെ എൽ.കെ.ജി, യു.കെ.ജി വിഭാഗം കുട്ടികളിൽ മുണ്ടിനീര് രോഗം സ്ഥിരീകരിച്ചതിനാൽ കൂടുതൽ കുട്ടികളിലേയ്ക്ക് രോഗം വ്യാപിക്കാതിരിക്കാൻ സ്കൂളിലെ എൽ.കെ.ജി, യു.കെ.ജി വിഭാഗം കുട്ടികൾക്ക്  ഡിസംബർ നാല് മുതൽ 21 ദിവസം അവധി നൽകി ജില്ലാ കളക്ടർ ഉത്തരവായി. ഈ ദിവസങ്ങളിൽ ക്ലാസുകൾ ഓൺലൈനായി നടത്തുന്നതിനാവശ്യമായ ക്രമീകരണങ്ങൾ ജില്ലാ വിദ്യാഭ്യാസ ഉപഡയറക്ടർ നിർവ്വഹിക്കേണ്ടതാണ്.വിദ്യാലയങ്ങളിൽ മുണ്ടിനീര് പടർന്നു പിടിക്കാതിരിക്കാനുള്ള മുൻ കരുതൽ നടപടികൾ ആരോഗ്യ, തദ്ദേശ സ്വയംഭരണ വകുപ്പുകൾ ചേർന്ന് നടത്തണമെന്നും ഉത്തരവിൽ പറഞ്ഞു.