പത്തനംതിട്ട : തിരുവല്ല മാമ്മൻ മത്തായി ഹാളിൽ നടന്ന വനിതാ കമ്മിഷൻ അദാലത്തിൽ 12 പരാതി തീർപ്പാക്കി. ആകെ 44 പരാതി  ലഭിച്ചു.  നാലെണ്ണം പോലിസ് റിപ്പോർട്ടിനും ഒന്ന് ജാഗ്രതാസമിതി റിപ്പോർട്ടിനും അയച്ചു. രണ്ട് പരാതി ജില്ലാ നിയമ സേവന അതോറിറ്റിക്ക് കൈമാറി. പുതിയതായി ഒരു പരാതി ലഭിച്ചു. 25 കേസുകൾ അടുത്ത സിറ്റിംഗിലേക്ക് മാറ്റി. കമ്മിഷൻ അംഗം അഡ്വ. എലിസബത്ത് മാമ്മൻ മത്തായി നേതൃത്വം നൽകി. പാനൽ അഭിഭാഷക അഡ്വ. സിനി, അഡ്വ. ദസീല പി ജോസ്, പോലിസ് ഉദ്യോഗസ്ഥരായ  റ്റി.കെ സുബി, അജിത എന്നിവർ പങ്കെടുത്തു.