വാഷിംഗ്ടണിൽ വെടിയേറ്റ് ഇന്ത്യൻ വിദ്യാർത്ഥി മരിച്ചു
Jan 21, 2025, 19:40 IST


വാഷിംഗ്ടൺ: വാഷിംഗ്ടണിൽ പെട്രോൾ പമ്പിൽ വെച്ചുണ്ടായ വെടിവെപ്പിൽ ഹൈദരാബാദ് സ്വദേശിയായ യുവാവ് കൊല്ലപ്പെട്ടു. ഹൈദരാബാദ് ആർകെ പുരം ഗ്രീൻ ഹിൽസ് കോളനിയിൽ താമസിക്കുന്ന രവി തേജ (26) ആണ് കൊല്ലപ്പെട്ടത്. ഇന്നലെ വാഷിംഗ്ടൺ ഡിസിയിലാണ് ദാരുണമായ സംഭവം ഉണ്ടായത്.
2022 മാർച്ചിൽ മാസ്റ്റേഴ്സ് ബിരുദത്തിനായാണ് രവി തേജ അമേരിക്കയിലെത്തിയത്. പഠനം പൂർത്തിയാക്കിയ ശേഷം ജോലി അന്വേഷിച്ചുകൊണ്ടിരിക്കെയാണ് ആക്രമണം ഉണ്ടായത്. പ്രതികൾക്കായി പൊലീസ് അന്വേഷണം ആരംഭിച്ചിട്ടുണ്ട്.
അമേരിക്കയിൽ കഴിഞ്ഞ കുറച്ച് മാസങ്ങളായി പല ഇന്ത്യൻ വിദ്യാർത്ഥികൾ കൊല്ലപ്പെടുന്നതായി റിപ്പോർട്ടുകളുണ്ട്. കഴിഞ്ഞ മാസം ഷിക്കാഗോയിൽ പെട്രോൾ പമ്പിൽ നടന്ന വെടിവെപ്പിൽ തെലങ്കാന സ്വദേശിയായ സായ് തേജ നൂകരപ്പ് (22) കൊല്ലപ്പെട്ടിരുന്നു.