.jpg)
അർജന്റീന ടീം മാർച്ചിൽ കേരളത്തിൽ എത്തും : മന്ത്രി വി അബ്ദുറഹിമാൻ
മലപ്പുറം: അർജന്റീന ഫുട്ബോൾ ടീം മാർച്ച് മാസത്തിൽ കേരളത്തിൽ എത്തുമെന്ന് കായിക മന്ത്രി വി. അബ്ദുറഹിമാൻ. വിഷൻ 2031 ന്റെ ഭാഗമായി കായികവകുപ്പ് നടത്തിയ ' നാവകായിക കേരളം മികവിന്റെ പുതു ട്രാക്കിൽ ' എന്ന സംസ്ഥാനതല സെമിനാർ മലപ്പുറം റോസ് ലോഞ്ച് ഓഡിറ്റോറിയത്തിൽ ഉദ്ഘാടനം ചെയ്യുകയായിരുന്നു മന്ത്രി. ടീമിന്റെ വരവ് സംബന്ധിച്ച് കഴിഞ്ഞ ദിവസം ഇ-മെയിൽ ലഭിച്ചിട്ടുണ്ട്.
tRootC1469263">ഫിഫ അംഗീകൃത സ്റ്റേഡിയത്തിന്റെ അഭാവമാണ് നവംബറിൽ അർജന്റീന ടീം കേരളത്തിൽ എത്താതിരിക്കാൻ കാരണം. കായിക രംഗത്ത് വൻ കുതിച്ചു ചാട്ടമാണ് ഒൻപതു വർഷം കൊണ്ട് കേരളം സ്വന്തമാക്കിയത്. സ്റ്റേഡിയങ്ങളും കളിക്കളങ്ങളുമായി 385 നിർമിതികളാണ് ഇക്കാലയളവിൽ ഒരുക്കിയത്. എല്ലാ പഞ്ചായത്തിലും നിലവാരമുള്ള കളിക്കളങ്ങൾ നിർമിക്കുന്ന പദ്ധതിക്ക് തുടക്കം കുറിക്കാൻ കഴിഞ്ഞിട്ടുണ്ട്. ഒന്ന് മുതൽ 10 വരെ പാഠ്യപദ്ധതിയിൽ കായികം ഉൾപ്പെടുത്തിയ ആദ്യ സംസ്ഥാനമാണ് കേരളം. തദ്ദേശ സ്ഥാപനതല സ്പോർട്സ് കൗൺസിൽ രൂപീകരിച്ച ആദ്യ സംസ്ഥാനം, കായിക ഉച്ചകോടി ആദ്യമായി നടത്തിയ ആദ്യ സംസ്ഥാനം, കോളേജ് സ്പോർട്സ് ലീഗ് നടത്തിയ സംസ്ഥാനം തുടങ്ങി നിരവധി നേട്ടങ്ങൾ സ്വന്തമാക്കാൻ കേരളത്തിന് കഴിഞ്ഞുവെന്നും മന്ത്രി പറഞ്ഞു. ജില്ലാ കളക്ടർ വി ആർ വിനോദ് അധ്യക്ഷത വഹിച്ചു.
കായിക യുവജനകാര്യാലയം ഡയറക്ടർ പി.വിഷ്ണുരാജ് കായിക രംഗത്തെ സംസ്ഥാനത്തിന്റെ നേട്ടങ്ങൾ അവതരിപ്പിച്ചു. അഡീഷണൽ ഡയറക്ടർ സി.എസ് പ്രദീപ്, പ്ലാനിങ് ബോർഡ് സാമൂഹിക സേവന വിഭാഗം മേധാവി ഡോ. ബിന്ദു പി. വർഗീസ്, സായ് റീജണൽ ഡയറക്ടർ ഡോ. ജി കിഷോർ, സംസ്ഥാന സ്പോർട്സ് കൗൺസിൽ പ്രസിഡന്റ് യു. ഷറഫലി, വൈസ് പ്രസിഡന്റ് എം. ആർ രഞ്ജിത്ത്, സ്റ്റാൻഡിങ് കമ്മിറ്റി അംഗങ്ങളായ എ. ശ്രീകുമാർ, രഞ്ജു സുരേഷ്, ജില്ലാ സ്പോർട്സ് കൗൺസിൽ പ്രസിഡന്റ് പി. ഹൃഷികേഷ് കുമാർ എന്നിവർ സംസാരിച്ചു.