കുവൈത്തില് ലഹരിമരുന്നുമായി രണ്ടുപേര് പിടിയില്


പിടികൂടിയവരില് ഒരാള് കുവൈത്തിയും മറ്റൊരാള് ഗള്ഫ് പൗരനുമാണ്.
കുവൈത്തിലെ സാദ് അല് അബ്ദുല്ല പ്രദേശത്ത് ലഹരി മരുന്നായ ക്രിസ്റ്റല് മെത്തുമായി രണ്ടു പേരെ ജഹ്റ സുരക്ഷ അധികൃതര് അറസ്റ്റു ചെയ്തു. പിടികൂടിയവരില് ഒരാള് കുവൈത്തിയും മറ്റൊരാള് ഗള്ഫ് പൗരനുമാണ്. ഇവരില് നിന്നും അഞ്ച് ബാഗുകളിലായി സൂക്ഷിച്ചിരുന്ന ക്രിസ്റ്റല് മെത്ത് കണ്ടെടുത്തു.
ജഹ്റ പട്രോളിങ് ടീമിന്റെ പതിവ് പരിശോധനക്കിടയിലാണ് സാദ് അല് അബ്ദുല്ല പ്രദേശത്തെ സ്കൂള് പാര്ക്കിങ് ഏരിയയില് സംശയാസ്പദമായ രീതിയില് ഒരു വാഹനം പാര്ക്കു ചെയ്തിരിക്കുന്നത് ശ്രദ്ധയില്പ്പെട്ടത്. വാഹനത്തിനുള്ളില് നിന്ന് അസാധാരണമായ നിലയില് ഇരുവരെയും അറസ്റ്റ് ചെയ്യുകയായിരുന്നു. പിടികൂടിയ കുവൈത്തിയുടെ പേരില് ഒരു മോഷണക്കേസുള്ളതായും മറ്റൊരു കേസില് ഒരു വര്ഷത്തോളം ജയില് ശിക്ഷ അനുഭവിച്ചയാളാണ് ഗള്ഫ് പൗരനെന്നും കണ്ടെത്തി. കൂടുതല് അന്വേഷണത്തിനും നിയമനടപടികള്ക്കുമായി പ്രതികളെയും ഇവരില് നിന്നും കണ്ടടുത്ത മയക്കുമരുന്നും ബന്ധപ്പെട്ട വിഭാഗത്തിന് കൈമാറി.