.jpg)
ലോകത്തിലെ ഏറ്റവും സുരക്ഷിതമായ രാജ്യങ്ങളുടെ പട്ടികയില് കുവൈത്ത് ആറാം സ്ഥാനത്ത്
നോര്വേയ്ക്കും ഹോങ്കോങ്ങിനും ഒപ്പമാണ് കുവൈത്തിന്റെ സ്ഥാനം
ലോകത്തിലെ ഏറ്റവും സുരക്ഷിതമായ രാജ്യങ്ങളുടെ പട്ടികയില് കുവൈത്ത് ആറാം സ്ഥാനത്ത് എത്തി. നോര്വേയ്ക്കും ഹോങ്കോങ്ങിനും ഒപ്പമാണ് കുവൈത്തിന്റെ സ്ഥാനം. 144 രാജ്യങ്ങളിലെ 144,000ത്തിലധികം താമസക്കാര്ക്കിടയില് നടത്തിയ സര്വേയെ അടിസ്ഥാനമാക്കിയാണ് ഗാല്ലപ്പിന്റെ 2025-ലെ ആഗോള സുരക്ഷാ റിപ്പോര്ട്ട് തയാറാക്കിയത്.
tRootC1469263">സിംഗപ്പൂരിനാണ് ആഗോളതലത്തില് ഒന്നാം സ്ഥാനം, താജിക്കിസ്ഥാന് രണ്ടാം സ്ഥാനത്തും എത്തി. അറബ് ലോകത്ത്, സുരക്ഷയില് ഒമാന് ഒന്നാം സ്ഥാനത്തും, തൊട്ടുപിന്നില് സൗദി അറേബ്യയും കുവൈത്തും ഇടം നേടി.
രാത്രികാലങ്ങളില് ഒറ്റയ്ക്ക് നടക്കുമ്പോള് സുരക്ഷിതത്വം തോന്നുന്ന താമസക്കാരുടെ ശതമാനത്തെ അടിസ്ഥാനമാക്കിയാണ് ഗാല്ലപ്പ് ഈ റാങ്കിംഗ് തയ്യാറാക്കുന്നത്. വര്ധിച്ചുവരുന്ന ആഗോള സംഘര്ഷങ്ങളും കലഹങ്ങളും ഉണ്ടായിരുന്നിട്ടും ലോക ജനസംഖ്യയുടെ 73 ശതമാനം ആളുകളും സ്വന്തം രാജ്യങ്ങളില് രാത്രികാലങ്ങളില് ഒറ്റയ്ക്ക് നടക്കുന്നത് സുരക്ഷിതമായി തോന്നുന്നു എന്ന് റിപ്പോര്ട്ട് ചെയ്തു. 2006-ലെ 63 ശതമാനം എന്നതിനേക്കാള് കൂടുതലാണിത്. ഏകദേശം 20 വര്ഷത്തിനിടയിലെ ഏറ്റവും ഉയര്ന്ന ശതമാനമാണ്. ആദ്യത്തെ 10 രാജ്യങ്ങളില് ഇടം നേടിയ ഏക യൂറോപ്യന് രാജ്യം നോര്വേ ആണ്.
