കുവൈത്തില് രണ്ടിടത്ത് തീപിടിച്ചു


സംഭവത്തില് നാലു പേര്ക്ക് പരിക്കേല്ക്കുകയും ചെയ്തു.
കുവൈത്തില് രണ്ടിടത്ത് തീപിടിച്ചു. ജാബര് അല് അഹമ്മദ്, അല് വഫ്ര ഏരിയകളിലാണ് കഴിഞ്ഞദിവസം തീപിടുത്തമുണ്ടായത്. ജാബര് അല് അഹമ്മദ് ഏരിയയിലെ താമസ കെട്ടിടത്തിനാണ് തീപിടിച്ചത്. സംഭവത്തില് നാലു പേര്ക്ക് പരിക്കേല്ക്കുകയും ചെയ്തു.
സംഭവസ്ഥലത്തെത്തിയ അഗ്നിരക്ഷാ സേന ഉടന് രക്ഷാപ്രവര്ത്തനം നടത്തുകയും വീട്ടില് ഉണ്ടായിരുന്നവരെ സുരക്ഷിതമായി ഒഴിപ്പിക്കുകയും ചെയ്തു. തീ വ്യാപിക്കുന്നതും കൂടുതല് നാശനഷ്ടങ്ങള് ഉണ്ടാകുന്നതും ഒഴിവാക്കി. അല് സൂര്, അല് തഹ് രിര് കേന്ദ്രങ്ങളില് നിന്നുള്ള അഗ്നിരക്ഷാ സേനയെത്തിയാണ് തീ നിയന്ത്രണവിധേയമാക്കിയത്. പരിക്കേറ്റവരെ ചികിത്സക്കായി ആശുപത്രികളില് പ്രവേശിപ്പിക്കുകയും ചെയ്തു. തീ പിടുത്തത്തിന്റെ കാരണം അധികൃതര് അന്വേഷിച്ചു വരികയാണ്.
അല് വഫ്രയില് ഒരു ഫാമിലെ തൊഴിലാളികളുടെ താമസ സ്ഥലത്താണ് തീപിടിച്ചത്. അല് വഫ്ര, അല് നുവൈസീബ് എന്നിവിടങ്ങളില് നിന്നുള്ള അഗ്നിരക്ഷാ സേനകള് എത്തിയാണ് തീ നിയന്ത്രണവിധേയമാക്കിയത്. സംഭവത്തില് പരിക്കുകളൊന്നും റിപ്പോര്ട്ട് ചെയ്തിട്ടില്ല.