.jpg)
വിഷൻ 2031: അടിസ്ഥാന വിഭാഗങ്ങളുടെ മുൻഗണനാ പദ്ധതികൾ സ്വയം നിർണയിക്കാൻ അവസരം: മന്ത്രി ഒ.ആർ കേളു
വയനാട് : പിന്നാക്കം നിൽക്കുന്ന അടിസ്ഥാന ജനവിഭാഗത്തിന്റെ മുൻഗണനാ പദ്ധതികൾ അവർക്ക് തന്നെ നിശ്ചയിക്കാനുള്ള അവസരമാണ് വിഷൻ 2031 സംസ്ഥാനതല സെമിനാറിൽ ഒരുക്കുന്നതെന്ന് പട്ടികജാതി - പട്ടികവർഗ്ഗ - പിന്നാക്കക്ഷേമ വകുപ്പ് മന്ത്രി ഒ.ആർ കേളു. കഴിഞ്ഞ 10 വർഷം വകുപ്പ് നടപ്പാക്കിയ പദ്ധതികൾ വിലയിരുത്തി ഭാവി കാഴ്പ്പാടുകളും വികസന പദ്ധതികളും രൂപീകരിക്കുകയെന്ന ലക്ഷ്യത്തോടെ സംസ്ഥാന പട്ടികജാതി പട്ടികവർഗ്ഗ വികസന വകുപ്പ് മാനന്തവാടി ഗവ. വൊക്കേഷണൽ ഹയർ സെക്കൻഡറി സ്കൂളിൽ സംഘടിപ്പിച്ച സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
tRootC1469263">പട്ടികജാതി - പട്ടിക വർഗ്ഗക്കാർക്കായുള്ള പദ്ധതികൾ അവരുമായി ബന്ധമില്ലാത്ത മറ്റാരൊക്കെയോ തീരുമാനിക്കുകയാണെന്ന ആരോപണം ഏറെനാളായി ഉയർന്നിരുന്നു. എന്നാൽ പിന്നാക്ക ജനവിഭാഗക്കാരും അവർക്കായി ഇടപെടുന്നവരും അവരുടെ കാര്യങ്ങൾ മനസിലാക്കുന്നവരും ഒരുമിച്ചിരുന്ന് മുൻഗണനാ പദ്ധതികൾ ചർച്ച ചെയ്ത് പോരായ്മകൾ കണ്ടെത്താനുള്ള വേദിയാണ് വിഷൻ 2031 സെമിനാറിലൂടെ സംസ്ഥാന സർക്കാർ ഒരുക്കിയത്. പത്ത് വർഷത്തിനകം പട്ടികജാതി - പട്ടികവർഗ്ഗ വിഭാഗക്കാരുടെ ജീവിതത്തിൽ വളരെ വലിയ മുന്നേറ്റം സാധിച്ചതായി സെമിനാറിൽ അഭിപ്രായപ്പെട്ടു.
ഭരണ- ഔദ്യോഗിക സംവരണങ്ങളിലൂടെയും സർക്കാർ നടപ്പാക്കിയ വിവിധ പദ്ധതികളിലൂടെയും വളരെയധികം മാറ്റങ്ങളുണ്ടായിട്ടുണ്ടെന്നും ഇനിയും മുന്നോട്ട് പോകാനുണ്ടെന്നും മന്ത്രി ഒ.ആർ കേളു പറഞ്ഞു. വകുപ്പിൻ്റെ വികസന നയരേഖ കരട് റിപ്പോർട്ട് മന്ത്രി ഒ.ആർ കേളു അവതരിപ്പിച്ചു.
പിന്നാക്ക വികസന മേഖലയിൽ നടപ്പാക്കാൻ സാധിക്കുമോയെന്ന സംശയിച്ച പദ്ധതികൾ കഴിഞ്ഞ പത്ത് വർഷക്കാലത്തിൽ സർക്കാർ സാക്ഷാത്കരിച്ചതായി അധ്യക്ഷത വഹിച്ച യു.ആർ പ്രദീപ് എം.എൽ.എ പറഞ്ഞു. പട്ടികജാതി - പട്ടികവർഗ്ഗ വിഭാഗക്കാർക്കായുള്ള ക്ഷേമ പദ്ധതികളുടെ കാര്യത്തിൽ അഭിമാനാർഹായ നേട്ടമാണ് സംസ്ഥാനം കൈവരിച്ചത്. എന്നാൽ പ്രഖ്യാപിച്ച പണം നൽകാത്ത കേന്ദ്ര നടപടിക്കെതിരെ രാഷ്ട്രീയത്തിന് അതീതമായി കൂട്ടായ ശബ്ദം ഉയർന്നുവരണമെന്നും അദ്ദേഹം പറഞ്ഞു. പട്ടികജാതി വികസന വകുപ്പ് ഡയറക്ടർ ഡി. ധർമ്മലശ്രീ വകുപ്പിന്റെ പ്രവർത്തന റിപ്പോർട്ട് അവതരിപ്പിച്ചു.ആറളം ഫാമിന്റെ എമറാൾഡ് ജൂബിലി ആഘോഷങ്ങളുടെ ലോഗോ പ്രകാശനം മന്ത്രി ഒ.ആർ കേളു പട്ടികവർഗ്ഗ വികസന വകുപ്പ് ഡയറക്ടർ ഡോ. മിഥുൻ പ്രേംരാജിന് നൽകി പ്രകാശനം ചെയ്തു.
എം.എൽ.എ പി.പി സുമോദ്, പത്മശ്രീ ചെറുവയൽ രാമൻ, സഹകരണ ക്ഷേമനിധി ബോർഡ് വൈസ് ചെയർമാൻ സി.കെ ശശീന്ദ്രൻ, മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി, മാനന്തവാടി നഗരസഭാ ചെയർപേഴ്സൺ സി.കെ രത്നവല്ലി, പട്ടികജാതി പട്ടികവർഗ്ഗ വികസന കോർപറേഷൻ ചെയർമാൻ കെ.കെ ഷാജു, എസ്.സി, എസ്.ടി ഫെഡറേഷൻ ചെയർമാൻ സി. രാധാകൃഷ്ണൻ, പിന്നാക്കവിഭാഗ ക്ഷേമ വകുപ്പ് ഡയറക്ടർ മിസാൽ സാഗർ ഭരത്, എ.ഡി.എം കെ. ദേവകി, സംസ്ഥാന ആസൂത്രണ ബോർഡ് അംഗങ്ങളായ ജിജു പി അലക്സ്, പി.കെ ജമീല, ഡോ. കെ രവിരാമൻ, ആസൂത്രണ ബോർഡ് ചീഫ് ജെ. ജോസഫൈൻ, പട്ടികജാതി - പട്ടികവർഗ്ഗ കമ്മീഷൻ അംഗം ടി.കെ വാസു, സാക്ഷരതാ മിഷൻ ഡയറക്ടർ ഡോ. എ.ജി ഒലീന, രാഷ്ട്രീയ പാർട്ടിപ്രതിനിധികൾ, വിവിധ വകുപ്പുകളിലെ ഉദ്യോഗസ്ഥർ, പട്ടികജാതി പട്ടികവർഗ്ഗ മേഖലയിൽ പ്രവർത്തിക്കുന്ന സംഘടനകൾ, പൊതുജനങ്ങൾ, ഉദ്യോഗസ്ഥർ എന്നിവർ പങ്കെടുത്തു.