.jpg)
ഫ്ളാറ്റിലേക്ക് പടക്കമെറിഞ്ഞ് ആക്രമണം; തൃശ്ശൂരിൽ പ്രായപൂര്ത്തിയാകാത്ത രണ്ടുപേര് പിടിയില്
Jan 4, 2025, 08:30 IST
തൃശൂര്: പുല്ലഴിയില് ഫ്ളാറ്റിലേക്ക് പടക്കമെറിഞ്ഞ രണ്ടുപേരെ പോലീസ് കസ്റ്റഡിയിലെടുത്തു. കഴിഞ്ഞദിവസം പുലര്ച്ചെയാണ് സംഭവം. കേരള ഹൗസിങ് ബോര്ഡിന് കീഴില് വരുന്ന ഫ്ളാറ്റിലേക്കാണ് പടക്കമെറിഞ്ഞത്.
വീര്യം കൂടിയ പടക്കമാണ് വലിച്ചെറിഞ്ഞത്. ആക്രമണത്തില് ഫ്ളാറ്റിന്റെ ഡോറുകള്ക്ക് ഉള്പ്പെടെ കേടുപാട് സംഭവിച്ചു. പ്രായപൂര്ത്തിയാകാത്ത രണ്ട് പേരെയാണ് ടൗണ് വെസ്റ്റ് പോലീസ് പിടികൂടിയത്.
മൂന്നംഗ സംഘമാണ് പടക്കമെറിഞ്ഞതിന് പിന്നില്. എന്നാല് ഫ്ളാറ്റ് മാറി പടക്കം എറിഞ്ഞതെന്നാണ് പോലീസ് അന്വേഷണത്തില് കണ്ടെത്തിയത്. മറ്റൊരു ഫ്ളാറ്റില് താമസിക്കുന്ന കുട്ടികളുമായി ഇവര്ക്ക് പ്രശ്നങ്ങളുണ്ടായിരുന്നു. ഇതിനെ തുടര്ന്നാണ് പടക്കം വലിച്ചെറിഞ്ഞത്. വലിയ ശബ്ദത്തോടെയാണ് പൊട്ടിത്തെറിയുണ്ടായത്. സംഭവത്തില് ഒരാള് കൂടി പിടിയിലാകാനുണ്ട്.
