.jpg)
അട്ടപ്പാടി ആദിവാസി ഊരുകളിലെ അംഗൻവാടികളിൽ ; ഹൈസ്പീഡ് ഇന്റർനെറ്റ് സേവനമൊരുക്കി കെഫോൺ
പാലക്കാട്: അട്ടപ്പാടി ആദിവാസി ഊരുകളിലെ അംഗൻവാടികളിൽ ഹൈസ്പീഡ് ഇന്റർനെറ്റ് സേവനമെത്തിച്ച് കെഫോൺ. കുപ്പൻ കോളനി, പുഡൂർ, ചീരക്കടവ് തുടങ്ങിയ പ്രദേശങ്ങളിലെ 50 ഓളം അംഗൻവാടികളിലാണ് കെഫോൺ ഇന്റർനെറ്റ് സേവനമെത്തിക്കുക. പദ്ധതിയുടെ ആദ്യഘട്ടമായി 31 അംഗൻവാടികളിൽ ഇതിനോടകം കെഫോൺ ഇന്റർനെറ്റ് ലഭ്യമാക്കിക്കഴിഞ്ഞു. പുഡൂർ ഗ്രാമപഞ്ചായത്ത് ചൂട്ട്ര ആംഗൻവാടിയിലെ അധ്യാപികയ്ക്ക് കെഫോണിന്റെ പ്രാദേശിക പങ്കാളികളായ അട്ടപ്പാടി കേബിൾ വിഷൻ പ്രതിനിധികൾ കെഫോൺ വൈഫൈ മോഡം കൈമാറിക്കൊണ്ടായിരുന്നു പദ്ധതിയുടെ ഔപചാരിക തുടക്കം.
tRootC1469263">ഗ്രാമീണ മേഖലയിലെ വിദ്യാഭ്യാസ സ്ഥാപനങ്ങൾക്ക് ഹൈസ്പീഡ് ഇന്റർനെറ്റ് സൗകര്യം ലഭ്യമാക്കുക, ഡിജിറ്റൽ ലോകത്തെ കുഞ്ഞു കൗതുകങ്ങൾ ആസ്വദിക്കുവാനുള്ള അവസരങ്ങൾ കുട്ടികൾക്കൊരുക്കുക, അധ്യാപകർക്ക് ഓൺലൈൻ പരിശീലനങ്ങളിലും സർക്കാരിന്റെ വിവിധ പദ്ധതികളിലും പങ്കെടുക്കാനുള്ള അവസരം വർധിപ്പിക്കുക തുടങ്ങിയവയാണ് കെഫോൺ ഈ പദ്ധതിയിലൂടെ ലക്ഷ്യമിടുന്നത്. ജില്ലാ ഭരണകൂടം, പഞ്ചായത്ത്, കേബിൾവിഷൻ പ്രതിനിധികൾ എന്നിവരുടെ കൂട്ടായ സഹകരണത്തിലൂടെയാണ് പദ്ധതി വിജയകരമായി നടപ്പിലാക്കുന്നത്.
6 വയസ്സിൽ താഴെയുള്ള കുട്ടികൾ, ഗർഭിണികൾ, പാലൂട്ടുന്ന അമ്മമാർ, കൗമാരക്കാരായ പെൺകുട്ടികൾ എന്നിവർക്ക് പോഷകാഹാരം, ആരോഗ്യപരിശോധന, പ്രതിരോധ കുത്തിവയ്പ്പ്, പ്രീ-സ്കൂൾ വിദ്യാഭ്യാസം തുടങ്ങി വിവിധങ്ങളായ സേവനങ്ങൾ നൽകിവരുന്ന അംഗനവാടികളിൽ ഇന്റർനെറ്റ് സൗകര്യം കൂടി ഉറപ്പാക്കുന്നത് വഴി ആ സമൂഹത്തിന്റെ സമഗ്ര പുരോഗതി ഉറപ്പാക്കുന്നതിലെ നിർണായക ചുവടുവയ്പ്പാകും.
നിലവിൽ 125548 ലേറെ കണക്ഷനുകളുമായി കേരളത്തിന്റെ സ്വന്തം ഇന്റർനെറ്റായ കെഫോൺ മുന്നോട്ട് കുതിക്കുകയാണ്. 2026 ആകുമ്പോഴേക്കും 2.5 ലക്ഷം ഉപഭോക്താക്കളെയാണ് കെഫോൺ ലക്ഷ്യമിടുന്നത്.