.jpg)
കണ്ണൂരിൽ കേസുകൾ തീർപ്പായ വാഹനങ്ങൾ ഈ-ലേലത്തിൽ വിൽപ്പനയ്ക്ക്
കണ്ണൂർ: കേസുകൾ കോടതിയിൽ തീർപ്പായതിനുശേഷം ഉടമസ്ഥർക്ക് നോട്ടീസ് അയച്ചിട്ടും അവകാശികൾ ഹാജരാകാത്ത വിവിധ പോലീസ് സ്റ്റേഷനുകളിലുള്ള വാഹനങ്ങൾ ഈ മാസം 15ന് (15/10/2025) ഈ-ലേലത്തിൽ വിൽപ്പനയ്ക്ക് വയ്ക്കുന്നു.
കണ്ണൂർ സിറ്റി പോലീസിന്റെ അധികാരപരിധിയിലെ വിവിധ സ്റ്റേഷനുകളിലെ കേസുകളിൽ ഉൾപ്പെട്ടതും, കോടതികൾ തീർപ്പാക്കിയതും, അവകാശികളില്ലാത്തതുമായ വാഹനങ്ങളാണ് ലേലത്തിനായി പരിഗണിച്ചിരിക്കുന്നത്. 2025 മേയ് 13ന് പുറപ്പെടുവിച്ച ലേലവിളംബരത്തിലെ 59 വാഹനങ്ങളോടൊപ്പം, ഉപയോഗയോഗ്യമല്ലാത്തതും “സ്ക്രാപ്” വിഭാഗത്തിൽപ്പെട്ടതുമായ 9 വാഹനങ്ങളും ചേർത്ത് മൊത്തം 68 വാഹനങ്ങളാണ് ഈ-ലേലത്തിൽ വിൽപ്പനയ്ക്കുള്ളത്.
tRootC1469263">ലേലത്തിൽ പങ്കെടുക്കുവാൻ
പൊതുമേഖലാ സ്ഥാപനമായ MSTC Ltd. ന്റെ വെബ്സൈറ്റിൽ ( www.mstcecommerce.com) BUYER ആയി രജിസ്റ്റർ ചെയ്യേണ്ടതാണ്. രജിസ്റ്റർ ചെയ്ത ശേഷം നേരിട്ട് ഓൺലൈനായി പങ്കെടുക്കാം.
(MSTC E-Auction No: MSTC/TVC/DISTRICT POLICE OFFICE KANNUR KERALA/7/CIVIL STATION/25-26/35348)
ലേലത്തിൽ ഉൾപ്പെട്ട വാഹനങ്ങൾ പരിശോധിക്കാൻ ആഗ്രഹിക്കുന്നവർക്ക് ഇന്നുമുതൽ ഒക്ടോബർ 15 വരെ രാവിലെ 10 മുതൽ വൈകുന്നേരം 5 വരെ ബന്ധപ്പെട്ട സ്റ്റേഷൻ ഹൗസ് ഓഫീസറുടെ അനുമതിയോടെ വാഹനങ്ങൾ കാണാവുന്നതാണ്.ഇ-ലേലം സംബന്ധിച്ച കൂടുതൽ വിവരങ്ങൾക്ക് 0497-2763339 / 9497925858 എന്നീ നമ്പറുകളിൽ (ഓഫീസ് സമയത്ത്) ബന്ധപ്പെടാവുന്നതാണ്.