കണ്ണൂർ ചുഴലിയിൽ റബ്ബർ പുര കത്തി നശിച്ചു

തളിപ്പറമ്പ്: റബ്ബർ പുകപ്പുരക്ക് തീപിടിച്ച് രണ്ടര ക്വിന്റൽ റബ്ബർ കത്തിനശിച്ചു, 20,000 രൂപയുടെ നഷ്ടം. ചുഴലി തട്ടേരിയിലെ ജോസ് കരയടത്ത് എന്നയാളുടെ വീടിന് സമീപത്ത പുകപ്പുരക്കാണ് തീപിടിച്ചത്. ഞായറാഴ്ച്ചവൈകുന്നേരം 5.15 നാണ് സംഭവം.

തളിപ്പറമ്പിൽ നിന്നും ഫയർഫോഴ്‌സ് സ്‌റ്റേഷൻ ഓഫീസർ എൻ.കുര്യാക്കോസിന്റെ നേതൃത്വത്തിലെത്തിയ സംഘമാണ് തീയണച്ചത്. സേനാംഗങ്ങളായ അനീഷ് പാലവിള, ലിഗേഷ്, സരിൻ, സജിത്കുമാർ, രവീന്ദ്രൻ, അനൂപ് എന്നിവരും അഗ്നിശമനസംഘത്തിൽ ഉണ്ടായിരുന്നു.