ക്രിപ്റ്റോ കറൻസി ട്രേഡിങ്ങിലൂടെ യുവാവിനെ കബളിപ്പിച്ച് മൂന്നേമുക്കാൽ ലക്ഷത്തിലേറെ രൂപ തട്ടിയെടുത്തതായി പരാതി

കണ്ണൂർ :ക്രിപ്‌റ്റോ കറന്‍സി ട്രേഡിംഗില്‍ കബളിപ്പിക്കപ്പെട്ട യുവാവിൻ്റെ 3,92,500 രൂപ നഷ്ടപ്പെട്ടതായി പരാതി.പാണപ്പുഴയിലെ പാറക്കാട്ട്ചാലില്‍ പി.സി.സുധീഷിനാണ്(41) പണം നഷ്ടപ്പെട്ടത്.2024 ഏപ്രില്‍ 7 മുതല്‍ ജൂലൈ 2 വരെയുള്ള ദിവസങ്ങളിലാണ് ഈസ്റ്റ് ഡെല്‍ഹിയിലെ ഫൈനാന്‍സ് അക്കാദമി ഡയരക്ടര്‍ രാഹുല്‍ ശര്‍മ്മ അഡ്മിനായുള്ള വാട്‌സ്ആപ്പ് ഗ്രൂപ്പ് വഴി ലഭിച്ച viyakat.com എന്ന വൈബ്‌സൈറ്റ് വഴി ക്രിപ്‌റ്റോ ട്രേഡിംഗ് നടത്താനാണ് കസ്റ്റമര്‍ മാനേജര്‍ നിര്‍ദ്ദേശിച്ച അക്കൗണ്ടുകളിലേക്ക് തവണകളായി പണം നിക്ഷേപിച്ചത്.