ബംഗ്ളൂരിലെ നഴ്സിങ് വിദ്യാഭ്യാസ സ്ഥാപനത്തിലെ ക്രമക്കേട് കാരണം പഠനം പാതി വഴിയിൽ ഉപേക്ഷിച്ച വിദ്യാർത്ഥിനിയെ ഭീഷണിപ്പെടുത്തുന്നതായി പരാതി

Whatsapp Group

 മാനേജ്മെൻ്റും അഡ്മിഷൻ ഏജൻ്റുമാരുമാണ് പല നമ്പറുകളിൽ ഭീഷണിപ്പെടുത്തുന്നത്. കേസിൽ നിന്നും പിൻമാറുന്നതിനായി ഭീഷണിപ്പെടുത്തുകയും പണം വാഗ്ദ്ധാനം ചെയ്തു പിൻവാങ്ങാനും ആവശ്യപ്പെടുകയുണ് ഇതു കാരണം താനും കുടുംബവും നേരിടുന്ന ഭീഷണികളിൽ നിന്നും സംരക്ഷണത്തിനായി കണ്ണൂർ റൂറൽ പൊലിസ് മേധാവിക്ക് പരാതിനൽകിയിട്ടുണ്ടെന്ന് വർഷ അറിയിച്ചു. ബി.എസ് സി നഴ്സിങ്ങിന് കൊവിഡ് കാലത്ത് വിദ്യാഭ്യാസ വായ്പ ബാങ്കിൽ നിന്നെടുത്താണ് താൻ ചേർന്നത്. നഴ്സിങ് ഏജൻ്റ് വീട്ടിലെത്തിയാണ് അഡ്മിഷൻ കാര്യം ചെയ്തത്. കോളേജ് അധികൃതർക്ക് ബാങ്ക് മുഖേനെയാണ് ഫീസും ഡൊണേഷനുമായി പണം നൽകിയത്. നാല് ലക്ഷത്തിലേറെ രൂപയാണ് ഇങ്ങനെ കൈമാറിയത്. ദിയ നഴ്സിങ് കോളേജിലാണ് പ്രവേശനം ലഭിച്ചതെങ്കിലും മറ്റൊരു കോളേജായ ഭരത് കോളേജിലാണ് സീറ്റ് നൽകിയത്. ഒന്നാം വർഷ പരീക്ഷ എഴുതിയതിനു ശേഷം വ്യാജ സർട്ടിഫിക്കറ്റാണ് തനിക്ക് നൽകിയത്. 

ഇതുകാരണം പഠനം ഉപേക്ഷിക്കേണ്ടി വന്നുവെന്നും വർഷ പറഞ്ഞു. വെൽഫെയർ അസോ. ഓഫ് പ്രൊഫഷനൽ സ്കോളേഴ്സ് ഇന്ത്യയുടെ സഹായത്തോടെയാണ് ഇപ്പോൾ നിയമപോരാട്ടം നടത്തിവരുന്നത്. തന്നെപ്പോലെ വിദ്യാഭ്യാസ ചൂഷണം ചെയ്യപ്പെടുകയും വഞ്ചിക്കപ്പെടുകയും ചെയ്യുന്ന ഒരു പാട് വിദ്യാർത്ഥിനികളുണ്ടെങ്കിലും ഭയം കൊണ്ടാണ് അവർ ഇത്തരം സ്ഥാപനങ്ങൾക്കെതിരെ പ്രതികരിക്കാത്തതെന്നും വർഷ പറഞ്ഞു. വാർത്താ സമ്മേളനത്തിൽ വെൽഫെയർ അസോ. ഓഫ് പ്രൊഫഷനൽ സ്കോളേഴ്സ് ഇൻ ഇൻഡ്യ അഖിലേന്ത്യാ അദ്ധ്യക്ഷൻ എം.കെ തോമസുംവർഷ യുടെ അമ്മ ആർഷ ഹരിദാസ് എന്നിവരും പങ്കെടുത്തു.