.jpg)
കണ്ണൂർ ഏച്ചൂരിൽ പുതുവത്സര ആഘോഷത്തിനിടെ അക്രമം: ഒരാൾക്ക് കുത്തേറ്റു
Jan 1, 2025, 15:18 IST
ചക്കരക്കൽ: ഏച്ചൂർ കോട്ടത്ത് പുതുവത്സര ആഘോഷത്തിനിടെ സംഘർഷത്തിൽ ഒരാൾക്ക് പരുക്കേറ്റു. പുതുവത്സര ആഘോഷങ്ങൾ നടക്കുന്നതിനിടെ പാട്ട് വെച്ചതുമായി ബന്ധപ്പെട്ടാണ് സംഘർഷമുണ്ടായത്. ഇന്ന് പുലർച്ചെ ഇരു ചേരികളായി തിരിഞ്ഞ സംഘം ഏറ്റുമുട്ടുകയായിരുന്നു.
ഇതിനിടെയാണ് മദ്യ ലഹരിയിലായിരുന്നയാൾ യുവാവിനെ കുത്തിയത്. പരുക്കേറ്റയാളെ കണ്ണൂർ ശ്രീ ചന്ദ് ആശുപത്രിയിലേക്ക് മാറ്റി. സംഭവത്തിൽ ചക്കരക്കൽ പൊലീസ് അന്വേഷണം ആരംഭിച്ചിട്ടുണ്ട്.
