ഈ ശീലങ്ങൾ പുരുഷന്മാരുടെ ലൈംഗിക പ്രകടനത്തെ ബാധിക്കാം
sex

 


പുരുഷന്മാരുടെ ലൈംഗിക പ്രകടനത്തെ മോശമാകുന്നതിൽ ഭക്ഷണങ്ങൾ മാത്രമല്ല മറ്റ് ചില ഘടകങ്ങൾ കൂടി പ്രധാനപങ്ക് വഹിക്കുന്നു. പുരുഷന്മാരിലെ സെക്ഷ്വൽ സ്റ്റാമിന കുറയുന്നത് പല പുരുഷന്മാരേയും മാനസികമായി തളർത്തുന്ന ഒന്നു കൂടിയാകും. സെക്ഷ്വൽ സ്റ്റാമിന കുറയുന്നത് ഊർജക്കുറവ്, ഉദ്ധാരണ പ്രശ്‌നങ്ങൾ എന്നിവയിലേയ്ക്കു നയിക്കാം.

ലെെം​ഗിക പ്രകടനം മോശമാകാൻ കാരണങ്ങൾ പലതുണ്ട്. ലൈംഗിക പ്രകടനം മെച്ചപ്പെടുത്താൻ എന്തൊക്കെ കാര്യങ്ങൾ ശ്രദ്ധിക്കണമെന്ന് പ്രമുഖ എൻഡോക്രൈനോളജിസ്റ്റായ ഡോ. സഞ്ജയ് കൽറ പറയുന്നു.

1.സമ്മർദ്ദവും ഉത്കണ്ഠയും ലൈംഗിക പ്രശ്‌നങ്ങൾക്ക് കാരണമാകുന്നു. പുരുഷന്മാർ അവരുടെ ബീജത്തിന്റെ ഗുണനിലവാരത്തിലും സെക്സ് ലെെഫ് മെച്ചപ്പെടുത്തുന്നതിനും ഇത്തരം പ്രശ്‌നങ്ങൾ പരിഹരിക്കേണ്ടതുണ്ടെന്നും ഡോ.സഞ്ജയ് പറയുന്നു. യോ​ഗ, നടത്തം എന്നിവ ശീലമാക്കുന്നത് ലൈംഗിക പ്രകടനം മെച്ചപ്പെടുത്താൻ സഹായകമാണ്.

2.മലിനീകരണം, സിഗരറ്റ് പുക, പഞ്ചസാരയും കൊഴുപ്പും അടങ്ങിയ ഭക്ഷണക്രമം തുടങ്ങിയ ഘടകങ്ങൾ മൂലമുണ്ടാകുന്ന ഓക്‌സിഡേറ്റീവ് സ്ട്രെസ്, ബീജ ഉൽപ്പാദനത്തിലും ഗുണമേന്മയിലും പ്രതികൂല സ്വാധീനം ചെലുത്തും. ആന്റിഓക്‌സിഡന്റുകൾ ബീജത്തിന്റെ ആരോ​ഗ്യം കൂട്ടാൻ സഹായിക്കും. ഇലക്കറികൾ, സരസഫലങ്ങൾ, സിട്രസ് പഴങ്ങൾ, ഒലിവ്, തക്കാളി തുടങ്ങിയ ഭക്ഷണങ്ങളിൽ ആന്റിഓക്‌സിഡന്റുകൾ അടങ്ങിയിട്ടുണ്ട്.

3.ബീജത്തിന്റെ ചലനശേഷിയിലും എണ്ണത്തിലും പ്രത്യുൽപാദന നിരക്കിലും ഗണ്യമായ വർദ്ധനവ് കാണിക്കുന്ന കോഎൻസൈം - 10 പോലുള്ള സപ്ലിമെന്റുകൾ ഉപയോഗിച്ച് പോഷകാഹാര വിടവ് നികത്തേണ്ടത് പ്രധാനമാണ്. 

4.പുകവലി, ബീജത്തിന്റെ ഗുണമേന്മ എന്നിവയെക്കുറിച്ചുള്ള പഠനങ്ങൾ, ബീജങ്ങളുടെ എണ്ണം കുറയുക, ബീജത്തിന്റെ ചലനശേഷി കുറയുക, ബീജത്തിന്റെ ആകൃതി എന്നിവ ഉൾപ്പെടെ ബീജത്തിന്റെ ആരോഗ്യത്തിന്റെ പല വശങ്ങളെയും പുകവലി ബാധിക്കുന്നതായി കണ്ടെത്തി.പുകവലിക്കാത്തവരും മദ്യപിക്കാത്തവരുമായ 37% പുരുഷന്മാരുമായി താരതമ്യപ്പെടുത്തുമ്പോൾ 12% പുരുഷന്മാർക്ക് മാത്രമേ പൂർണ്ണമായും സാധാരണ ബീജങ്ങളുടെ എണ്ണവും ആരോഗ്യവും ഉള്ളതായി കണ്ടെത്തിയിട്ടുള്ളൂ.

5.ആരോഗ്യകരമായ ഭക്ഷണക്രമം, വ്യായാമം, സ്ട്രെസ് മാനേജ്മെന്റ്, ഉറക്ക രീതി എന്നിവ ബീജത്തിന്റെ ഗുണനിലവാരം മെച്ചപ്പെടുത്താൻ സഹായിക്കുന്നു.

6.മദ്യം പുരുഷന്മാരുടെ പ്രത്യുൽപാദനക്ഷമതയെ നേരിട്ട് ബാധിക്കുന്നു. ഇത് ലിബിഡോ കുറയ്ക്കുകയും ടെസ്റ്റോസ്റ്റിറോൺ അളവ് കുറയ്ക്കുകയും ചെയ്യുന്നു. ഇത് ബീജത്തിന്റെ ഗുണനിലവാരത്തെ ബാധിക്കുന്നു. 

7.അമിതവണ്ണം എല്ലായ്പ്പോഴും വന്ധ്യതയുള്ള പുരുഷന്മാർക്ക് അപകടകരമാണ്. അത് ഭാവിയിൽ നിങ്ങളുടെ ടെസ്റ്റോസ്റ്റിറോണിന്റെ അളവിനെ ബാധിക്കുകയും ബീജകോശങ്ങളുടെ ഘടനയിൽ മാറ്റം വരുത്തുകയും ചെയ്യും.

8.കുറിപ്പടി ഇല്ലാതെയോ ഒരു ഡോക്ടറെ സമീപിക്കാതെയോ മരുന്നുകൾ ഉപയോഗിക്കുന്നത് അപകടകരമാണ്. പുരുഷന്മാരെ പ്രതികൂലമായി ബാധിക്കുന്ന ചില മരുന്നുകളുണ്ട്. ഇത് ബീജത്തിന്റെ ഉൽപ്പാദനം കുറയ്ക്കുന്നതിന് കാരണമാകും.

Share this story