.jpg)
ബസ്സുകളില് സൈക്കോ കൊലയാളികളായി ഡ്രൈവര്മാര്, ഇവരെ നിയന്ത്രിക്കണം, യാത്രാനുഭവം പങ്കുവെച്ച് സന്തോഷ് കീഴാറ്റൂര്
സൈക്കോ കൊലയാളികളെ പോലെയാണ് ചില ഡ്രൈവര്മാരെന്നും ഇവരെ നിയമത്തിന്റെ മുന്നില് കൊണ്ടുവരണമെന്നും അദ്ദേഹം ആവശ്യപ്പെടുന്നു.
കണ്ണൂര്: സാധാരണക്കാര് ആശ്രയിക്കുന്ന സംസ്ഥാനത്തെ പൊതുഗതാഗത സംവിധാനം കുത്തഴിഞ്ഞ രീതിയിലാണെന്ന് ചൂണ്ടിക്കാട്ടി നടന് സന്തോഷ് കീഴാറ്റൂര്. തളിപ്പറമ്പില് നിന്നും കണ്ണൂരിലേക്ക് ബസ് യാത്ര ചെയ്ത അനുഭവം ഭയാനകമാണെന്ന് നടന് തന്റെ ഫേസ്ബുക്ക് പോസ്റ്റില് കുറിച്ചു. സൈക്കോ കൊലയാളികളെ പോലെയാണ് ചില ഡ്രൈവര്മാരെന്നും ഇവരെ നിയമത്തിന്റെ മുന്നില് കൊണ്ടുവരണമെന്നും അദ്ദേഹം ആവശ്യപ്പെടുന്നു.
സന്തോഷ് കീഴാറ്റൂരിന്റെ ഫേസ്ബുക്ക് പോസ്റ്റ്,
ബഹുമാനപ്പെട്ട,
മുഖ്യ മന്ത്രിയും ,ഗതാഗതവകുപ്പ് മന്ത്രിയും
അറിയാന്
കഴിഞ്ഞ ദിവസങ്ങളില്
തളിപ്പറമ്പില് നിന്നും കണ്ണൂരിലേക്ക്
ഒരു പ്രൈവറ്റ് ബസില് യാത്ര ചെയ്തു
ഭാഗ്യമാണോ ,അമ്മയുടെയും അച്ഛന്റെയും പ്രാര്ത്ഥനയാണോ
അല്ല മാറ്റ് എന്തെങ്കിലും
Miracle ആണോ എന്നറിയില്ല
അപകട മരണം സംഭവിച്ചില്ല
അത്രയും വേഗതയും
അലക്ഷ്യമായ ഡ്രൈവിങ്ങും
മനുഷ്യ ജീവന് ഒരു വിലയും
കല്പ്പിക്കാത്ത മുതലാളിക്ക് വേണ്ടി
പണി എടുക്കുന്ന സൈക്കോ കൊലയാളികളായി
ചില ഡ്രൈവര്മാര് ഇപ്പഴും നമ്മുടെ നിരത്തുകളില് നിര്ജീവം പരിലസിക്കുകയാണ്
കണ്ണൂരില് നിന്നും തിരിച്ച് KSRTC ബസിലാണ് യാത്ര ചെയ്തത്
പട പേടിച്ച് പന്തളത്ത് ചെന്നപ്പോള്
പന്തം കൊളുത്തി പട എന്ന് പറഞ്ഞത്
പോലെ അത്ക്കും മേലെ
സൈക്കോ ജീവനക്കാര്
ഈ കത്ത് എല്ലാ ബസ് ജീവനക്കാരെയും
കുറ്റപ്പെടുത്തുന്നതല്ല
മാന്യമായി തൊഴില് ചെയ്യുന്നവരും
ഉണ്ട്
ഇവര്ക്ക് കളങ്കം വരുത്തുന്നത്
കുറച്ച് സൈക്കോ ജീവനക്കാരാണ്
ഇവരെ നിയമത്തിന്റെ മുന്നില്
കൊണ്ടു വരണം
ജീവിതം രണ്ടറ്റം കൂട്ടി മുട്ടിക്കാന് ഇപ്പഴും പാട് പെടുന്നവര്ക്ക് നമ്മുടെ പൊതുഗതാഗതം നല്ല സൗകര്യങ്ങള്
ചെയ്തു തരണം
ജനങളാണ് സര്ക്കാര്
സമയം കുറവാണ് എന്ന് പറഞ്ഞ് കൊണ്ടുള്ള മല്സര ഓട്ടം
KSRTC എങ്കിലും മതിയാക്കണം
കാറില് എപ്പഴും യാത്ര ചെയ്യാന് പറ്റില്ല
മനുഷ്യന്മാരെ കണ്ടും
ചുറ്റു പാടുകളെ കണ്ടും
പൊതു ഗതാഗത സൗകര്യം
ഉപയോഗിക്കാന് ആഗ്രഹിക്കുന്ന
ഒരു സാധാരണക്കാരന്റെ
അപേക്ഷയാണ്??
