വയനാട് പുനരധിവാസം ; ജനുവരി ആദ്യവാരം ഭൂമിയും വീടും നൽകാമെന്ന് വാഗ്ദാനം ചെയ്തവരുമായി മുഖ്യമന്ത്രി കൂടിക്കാഴ്ച്ച നടത്തുമെന്ന് മന്ത്രി കെ.രാജൻ

തൃശ്ശൂർ: വയനാട് പുനരധിവാസം വൈകില്ലെന്ന് ഉറപ്പ് നൽകി റവന്യൂ മന്ത്രി കെ.രാജൻ പറഞ്ഞു. ജനുവരി ആദ്യവാരം ഭൂമിയും വീടും നൽകാമെന്ന് വാഗ്ദാനം ചെയ്തവരുമായി മുഖ്യമന്ത്രി കൂടിക്കാഴ്ച്ച നടത്തുമെന്നും മന്ത്രി വ്യക്തമാക്കി.

എസ്റ്റേറ്റ് ഉടമകൾ കോടതിയിൽ എത്തിയത് വയനാട്ടിലെ ഭൂമി ഏറ്റെടുക്കൽ നടപടി റദ്ദാക്കണമെന്ന് ആവശ്യപ്പെട്ടാണ്. അത് കോടതി അനുവദിച്ചിരുന്നെങ്കിൽ വലിയ പ്രതിസന്ധിയ്ക്ക് കാരണമായേനെയെന്നും അദ്ദേഹം പറഞ്ഞു.

അതേസമയം, കോടതി വിധിയുടെ അടിസ്ഥാനത്തിലായിരിക്കണം പണം നൽകേണ്ടത് എന്ന് കോടതി വിധിയിലുണ്ട്. പണം ബോണ്ട് വെച്ച് സ്വീകരിക്കാം എന്നാണ് കോടതി പറഞ്ഞത്. കാലതാമസം ഒഴിവാക്കാൻ വേണ്ടിയാണ് ഡിസാസ്റ്റർ ആക്ട് പ്രകാരം ഭൂമി ഏറ്റെടുക്കാനുള്ള നടപടിയുമായി സർക്കാർ മുന്നോട്ടുപോകുന്നതെന്നും മന്ത്രി തൃശ്ശൂരിൽ മാധ്യമപ്രവർത്തകരോട് പറഞ്ഞു.