.jpg)
മാരുതി ഷോറൂമിലെ മൂന്ന് പുതിയ കാറുകള് കത്തി നശിച്ച സംഭവം ; തീയിടുന്ന സിസിടിവി ദൃശ്യങ്ങള് പുറത്ത്
Dec 12, 2024, 05:40 IST
വില്പന നടത്തിയ കാറുകളാണ് കത്തിച്ചത്.
നഗരമധ്യത്തില് മാരുതി ഷോറൂമിലെ മൂന്ന് പുതിയ കാറുകള് കത്തി നശിച്ച സംഭവത്തില് പൊലീസ് അന്വേഷണം ഊര്ജിതമാക്കി. കാറുകള് എണ്ണയൊഴിച്ച് കത്തിച്ചതാണെന്ന് വ്യക്തമാക്കുന്ന സിസിടിവി ദ്യശ്യങ്ങള് പൊലീസിനു ലഭിച്ചു.
ഒരാള് നടന്നു വന്നു എന്തോ ദ്രാവകം ഒഴിച്ച് തീ കൊളുത്തുന്നതിന്റെ അവ്യക്തമായ ദ്യശ്യങ്ങളാണ് പൊലീസിന് ലഭിച്ചിട്ടുള്ളത്. പരിസര പ്രദേശത്തെ 13 സിസിടിവി ദ്യശ്യങ്ങള് പൊലീസ് ഇതിനകം ശേഖരിച്ചിട്ടുള്ളത്. വില്പന നടത്തിയ കാറുകളാണ് കത്തിച്ചത്.
ഇന്നലെ പുലര്ച്ചെ 3.45 ഓടെയായിരുന്നു സംഭവം.ചിറക്കര ഇന്ഡക്സ് നക്സ ഷോറൂമിലെ കാറുകളാണ് കത്തി നശിച്ചത്. ?ഗ്രാന്റ് വിറ്റാര, ബലേനോ തുടങ്ങിയ മൂന്ന് പുതിയ കാറുകളാണ് തീയിലമര്ന്നത്. തീപിടുത്തം കണ്ട വഴിയാത്രക്കാരന് ഫയര് സ്റ്റേഷനില് നേരിട്ടെത്തി വിവരം അറിയിച്ചതിനെ തുടര്ന്നാണ് ഫയര് പോഴ്സ് എത്തി തീയണച്ചത്.
