.jpg)
ക്യാമ്പിലെ കമാന്ഡോയുടെ മരണം; പോസ്റ്റ്മോര്ട്ടം ഇന്ന്
വയനാട് കല്പ്പറ്റ ചെങ്ങഴിമ്മല് വീട്ടില് ഹവില്ദാര് വിനീതിനെ കഴിഞ്ഞ ദിവസം രാത്രി 8:50നാണ് മരിച്ച നിലയില് കണ്ടെത്തിയത്.
അരീക്കോട് സ്പെഷ്യല് ഓപ്പറേഷന് ഗ്രൂപ്പ് ക്യാമ്പിലെ ശുചിമുറിയില് മരിച്ച നിലയില് കണ്ടെത്തിയ കമാന്ഡോ ഹവില്ദാര് വിനീതിന്റെ പോസ്റ്റ്മോര്ട്ടം ഇന്ന് മഞ്ചേരി മെഡിക്കല് കോളേജില് നടക്കും. മൃതദേഹം നിലവില് അരീക്കോട് മദര് ആശുപത്രിയിലാണ് സൂക്ഷിച്ചിരിക്കുന്നത്. മരണത്തില് ഇന്ന് അന്വേഷണം പ്രഖ്യാപിക്കാനും സാധ്യതയുണ്ട്.
വയനാട് കല്പ്പറ്റ ചെങ്ങഴിമ്മല് വീട്ടില് ഹവില്ദാര് വിനീതിനെ കഴിഞ്ഞ ദിവസം രാത്രി 8:50നാണ് മരിച്ച നിലയില് കണ്ടെത്തിയത്. സ്വയം വെടിയുതിര്ത്തതാണെന്നാണ് നിഗമനം. ക്യാമ്പിലെ ജോലി സമ്മര്ദ്ദമാണ് ആത്മഹത്യയിലേക്ക് നയിച്ചതെന്നാണ് സൂചന. ഭാര്യ മൂന്ന് മാസം ഗര്ഭിണിയാണ്. ഭാര്യയെ പരിചരിക്കാനായി ലീവ് ചോദിച്ചെങ്കിലും നല്കിയില്ലെന്നാണ് ബന്ധുക്കളുടെ ആരോപണം. പോസ്റ്റുമോര്ട്ടം നടപടികള് പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടു നല്കും.
