.jpg)
ഷിഗെല്ല ; ആരോഗ്യമന്ത്രി ഇന്ന് വയനാട്ടില്
ബത്തേരിയില് മന്ത്രി ടി സിദ്ദിഖിന്റെ നേതൃത്വത്തില് ഉന്നതതല യോഗം വിളിച്ചിട്ടുണ്ട്. ആരോഗ്യമന്ത്രി കെ മുരളീധരന് ഇന്ന് വൈകീട്ടോടെ വയനാട്ടിലെത്തും
തിരുവനന്തപുരം: വയനാട്ടില് കുട്ടികളില് ഷിഗെല്ല രോഗബാധ സ്ഥിരീകരിച്ചതോടെ പ്രതിരോധ പ്രവര്ത്തനങ്ങള് ഊര്ജിതമാക്കിയിരിക്കുകയാണ് സംസ്ഥാനം. സുല്ത്താന് ബത്തേരിയില് മന്ത്രി ടി സിദ്ദിഖിന്റെ നേതൃത്വത്തില് ഉന്നതതല യോഗം വിളിച്ചിട്ടുണ്ട്. ആരോഗ്യമന്ത്രി കെ മുരളീധരന് ഇന്ന് വൈകീട്ടോടെ വയനാട്ടിലെത്തും.കോളിയാടി മാര് ബസേലിയോസ് സ്കൂളിന് ഒരാഴ്ച അവധി പ്രഖ്യാപിച്ചു. സ്കൂളിലും പരിസര പ്രദേശങ്ങളിലും പ്രതിരോധ പ്രവര്ത്തനങ്ങള് ആരോഗ്യവകുപ്പ് ഊര്ജിതമാക്കി.
സ്കൂളിലെ കുട്ടികള്ക്കാണ് കഴിഞ്ഞ ദിവസം ഷിഗെല്ല സ്ഥിരീകരിച്ചത്. സമാന ലക്ഷണങ്ങളുള്ള മൂന്നൂറിലധികം കുട്ടികള് ബത്തേരിയിലെ വിവിധ ആശുപത്രികളില് ചികിത്സയിലാണ്. കഴിഞ്ഞ വ്യാഴാഴ്ചയായിരുന്നു കുട്ടികള്ക്ക് പനിയും ഛര്ദിയും വയറിളക്കവും അനുഭവപ്പെട്ടത്. രോഗലക്ഷണങ്ങളുമായി ചികിത്സ തേടിയ കുട്ടികളില് നിന്ന് ശേഖരിച്ച സാമ്പിളുകള് പരിശോധനയ്ക്ക് വിധേയമാക്കിയപ്പോഴാണ് രോഗബാധ സ്ഥിരീകരിച്ചത്.
