.jpg)
ശബരിമല സ്വര്ണ്ണക്കൊള്ള ; എ.പത്മകുമാറിന്റെ വീട്ടില് നിന്നും നിര്ണായക രേഖകള് പിടിച്ചെടുത്ത് എസ്ഐടി
മുന് മന്ത്രി കടകംപള്ളി സുരേന്ദ്രനെയും അധികം വൈകാതെ ചോദ്യം ചെയ്തേക്കും.
ശബരിമല സ്വര്ണ്ണക്കൊള്ളക്കേസില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ.പത്മകുമാറിന്റെ ആറന്മുളയിലെ വീട്ടില് നിന്നും നിര്ണായക രേഖകള് പിടിച്ചെടുത്ത് എസ്ഐടി. കേസില് ദേവസ്വം ബോര്ഡ് മുന് അംഗങ്ങളെ വീണ്ടും ചോദ്യം ചെയ്യാന് വിളിപ്പിക്കും. കെപി ശങ്കര്ദാസ്, എന് വിജയകുമാര് എന്നിവരെയാണ് നോട്ടീസ് നല്കി വിളിപ്പിക്കുക. മുന് മന്ത്രി കടകംപള്ളി സുരേന്ദ്രനെയും അധികം വൈകാതെ ചോദ്യം ചെയ്തേക്കും.
tRootC1469263">ഇന്നലെ ഉച്ചയോടുകൂടിയാണ് പത്മകുമാറിന്റെ വീട്ടില് റെയ്ഡ് ആരംഭിച്ചത്. മണിക്കൂറുകള് നീണ്ട പരിശോധനകള്ക്ക് ശേഷമാണ് രേഖകള് എസ്ഐടി പിടിച്ചെടുത്തത്. സാമ്പത്തിക ഇടപാടുകളുടെ രേഖകള് ഉള്പ്പെടെയാണ് അന്വേഷണ സംഘം പിടിച്ചെടുത്തത്. എ പത്മകുമാറിന്റെ മൊഴിയില് ഉണ്ണികൃഷ്ണന് പോറ്റിയും കടകംപള്ളി സുരേന്ദ്രനും ഉള്പ്പെടുന്നുണ്ട്. അതിനാല് അന്വേഷണം കടകംപള്ളി സുരേന്ദ്രനിലേക്കും നീങ്ങാന് സാധ്യതയുണ്ട്. എ പത്മകുമാറിന്റെ മൊഴിയുടെ അടിസ്ഥാനത്തില് ദേവസ്വം ബോര്ഡിലെ കൂടുതല് ഉദ്യോ?ഗസ്ഥരെ ചോദ്യം ചെയ്യാനാണ് എസ്ഐടിയുടെ നീക്കം.
