പാലക്കാട് വാഹനാപകടത്തിൽ ഒരാൾ മരിച്ചു

പാലക്കാട്: വടക്കഞ്ചേരി ചുവട്ട്പാടത്ത് വാഹനാപകടത്തിൽ യുവാവിന് ദാരുണാന്ത്യം. കോട്ടയം പാമ്പാടി സ്വദേശി സനലാണ്(25) മരിച്ചത്. സനലിന്റെ കൂടെ ഉണ്ടായിരുന്ന സുഹൃത്ത് ലിവിയോണിനെ ​ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുകയാണ്.

ദേശീയപാതയിൽ നിർത്തിയിട്ട ലോറിക്ക് പിന്നിൽ ബൈക്കിടിച്ചാണ് അപകടമുണ്ടായത്. ഇന്ന് പുലർച്ചെയായിരുന്നു അപകടം. സനൽ ബാം​ഗ്ലൂരിലേക്ക് പോകും വഴിയായിരുന്നു അപകടം. അതേസമയം, ഈ സ്ഥലത്ത് മുൻപും അപകടങ്ങൾ ഉണ്ടായിട്ടുണ്ടെന്നാണ് പ്രദേശവാസികൾ പറയുന്നത്.