.jpg)
ഇടുക്കി മൂന്നാറിലെ സെക്യൂരിറ്റി ജീവനക്കാരൻ്റെ കൊലപാതകം;പ്രതിയെക്കുറിച്ച് സൂചന നല്കുന്നവര്ക്ക് 25,000 രൂപ പാരിതോഷികം
Updated: Sep 4, 2025, 13:03 IST
തലയില് ആഴത്തില് മുറിവേറ്റ നിലയിലായിരുന്നു മൃതദേഹം കണ്ടെത്തിയത്. മുറിവിന് പുറമെ ഭിത്തിയിലും ചോരക്കറയുള്ളതായും റിപ്പോര്ട്ടുകളുണ്ടായിരുന്നു
മൂന്നാര്: ഇടുക്കി മൂന്നാറിലെ സെക്യൂരിറ്റി ജീവനക്കാരൻ്റെ കൊലപാതകത്തില് പ്രതിയെക്കുറിച്ച് സൂചന നല്കുന്നവര്ക്ക് പാരിതോഷികം നല്കുമെന്ന് പൊലീസ്.ഓഗസ്റ് 23നാണ് മൂന്നാര് ചൊക്കനാട് തേയില ഫാക്ടറിയിലെ സെക്യൂരിറ്റി കൊല്ലപെട്ടത്
പ്രതിയെക്കുറിച്ചുള്ള വ്യക്തമായ വിവരങ്ങള് നല്കിയാല് 25,000 രൂപ നല്കുമെന്നാണ് പൊലീസ് വ്യക്തമാക്കിയത്. മൂന്നാര് ചൊക്കനാട് എസ്റ്റേറ്റിലെ സെക്യൂരിറ്റി ജീവനക്കാരനായ കന്നിമല ഫാക്ടറി ഡിവിഷന് സ്വദേശി രാജപാണ്ടിയാണ് മരിച്ചത്.
തലയില് ആഴത്തില് മുറിവേറ്റ നിലയിലായിരുന്നു മൃതദേഹം കണ്ടെത്തിയത്. മുറിവിന് പുറമെ ഭിത്തിയിലും ചോരക്കറയുള്ളതായും റിപ്പോര്ട്ടുകളുണ്ടായിരുന്നു. ഡോഗ് സ്ക്വാഡും വിരലടയാള വിദഗ്ദരും സ്ഥലത്തെത്തി പരിശോധന നടത്തുകയും ചെയ്തിരുന്നു.