തിരുവനന്തപുരം പാലോടിൽ അമ്മയും മകളും മരിച്ച നിലയിൽ

death

തിരുവനന്തപുരം: പാലോട് പേരയം ചെല്ലഞ്ചിയിൽ അമ്മയെയും മകളെയും മരിച്ച നിലയിൽ കണ്ടെത്തി. ചെല്ലഞ്ചി ഗീതാലയത്തിൽ സുപ്രഭ (88) , ഗീത (59) എന്നിവരെയാണ് മരിച്ചനിലയിൽ കണ്ടെത്തിയത്. അമിതമായി ഗുളിക കഴിച്ചതാണ് മരണകാരണം എന്നാണ് പ്രാഥമിക നിഗമനം. 

കുറച്ചു ദിവസങ്ങൾക്ക് മുൻപ് 12 സെൻ്റ് വസ്തുവുമായി ബന്ധപ്പെട്ട് സിവിൽ കേസിൽ വിധി ഇവർക്ക് പ്രതികൂലമായിരുന്നു. തുടർന്ന് ഇരുവരും മാനസികമായി തളർന്നിരുന്നു. ഇത് മൂലമുള്ള മാനസിക സമ്മർദ്ദമാകാം മരണ കാരണമെന്നാണ് ബന്ധുക്കൾ പറയുന്നത്. 

ഗീതയുടെ ഭർത്താവ് വത്സലൻ വീട്ടിൽ ഉണ്ടായിരുന്നു. അദ്ദേഹം ഇത് അറിഞ്ഞിരുന്നില്ല. ഇന്ന് രാവിലെ 8.30 ഓടെയാണ് മൃതദേഹം കണ്ടത്. ഗീതയുടെ മൃതദേഹം വീടിൻ്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിലുമായാണ് കണ്ടെത്തിയത്. പാലോട് പോലീസ് സ്ഥലത്ത് ഇൻക്വസ്റ്റ് നടത്തി.