.jpg)
'പൂര്ണ ആരോഗ്യവാനായി തിരിച്ചു വരട്ടെ'; എംടിയുടെ മകളെ വിളിച്ച് ആരോഗ്യ സ്ഥിതിയെ കുറിച്ച് അന്വേഷിച്ച് രാഹുല് ഗാന്ധി
Dec 21, 2024, 05:20 IST
എത്രയും വേഗം സുഖം പ്രാപിച്ച് പൂര്ണ്ണ ആരോഗ്യവാനായി തിരിച്ചു വരട്ടെയെന്നും രാഹുല് ഗാന്ധി ആശംസിച്ചു.
ഗുരുതരാവസ്ഥയില് ആശുപത്രിയില് കഴിയുന്ന വിഖ്യാത സാഹിത്യകാരന് എം ടി വാസുദേവന് നായരുടെ ആരോഗ്യ സ്ഥിതിയെ കുറിച്ച് അന്വേഷിച്ച് ലോക്സഭാ പ്രതിപക്ഷ നേതാവ് രാഹുല് ഗാന്ധി. എം ടി വാസുദേവന് നായരുടെ മകളുമായി ഫോണില് സംസാരിച്ചാണ് രാഹുല് ഗാന്ധി എം ടിയുടെ ആരോഗ്യ വിവരം തിരക്കിയത്.
മകള് അശ്വതിയെ ഫോണില് വിളിച്ചാണ് എം ടിയുടെ ചികിത്സയെ സംബന്ധിച്ച് അദ്ദേഹം ആരാഞ്ഞത്. എത്രയും വേഗം സുഖം പ്രാപിച്ച് പൂര്ണ്ണ ആരോഗ്യവാനായി തിരിച്ചു വരട്ടെയെന്നും രാഹുല് ഗാന്ധി ആശംസിച്ചു.
അതേസമയം എംടിയെ എഴുത്തുകാരന് എം എന് കാരശ്ശേരി സന്ദര്ശിച്ചു. എംടി വാസുദേവന് നായരുടെ നില മെച്ചപ്പെട്ടിട്ടുണ്ടെങ്കിലും ഗുരുതരാവസ്ഥയില് തന്നെയാണെന്ന് എം എന് കാരശ്ശേരി മാധ്യമങ്ങളോട് പറഞ്ഞു.
