.jpg)
കേരള സെനറ്റ് യോഗം 12 ലേക്ക് മാറ്റി
തിരുവനന്തപുരം: ഇന്ന് നടക്കാനിരുന്ന സർവകലാശാലാ സെനറ്റ് യോഗം മാറ്റിവെച്ചു. നിലവിൽ നിയമസഭാ സമ്മേളനം നടക്കുന്ന സാഹചര്യത്തിലാണ് ഈ തീരുമാനം. സെനറ്റ് യോഗം നവംബർ 12 ലേക്ക് പുനഃക്രമീകരിച്ചിട്ടുണ്ട്. ഇതിനിടെ, സർവകലാശാല വൈസ് ചാൻസലർ നിയമനത്തിനായുള്ള സെർച്ച് കമ്മിറ്റിയിൽ നിന്ന് സർവകലാശാലാ പ്രതിനിധിയായ പ്രൊഫ. എ. സാബു രാജി വെച്ചത് ശ്രദ്ധേയമായി. കേരള സ്റ്റേറ്റ് സയൻസ് ആൻഡ് ടെക്നോളജി കൗൺസിൽ മെമ്പർ സെക്രട്ടറിയാണ് പ്രൊഫ. എ. സാബു.
tRootC1469263">ഗവർണർ സെർച്ച് കമ്മിറ്റി രൂപീകരിച്ച് വിജ്ഞാപനം പുറപ്പെടുവിച്ച് മണിക്കൂറുകൾക്കകമാണ് പ്രൊഫ. എ. സാബു രാജി സമർപ്പിച്ചത്. സർവകലാശാലാ സെനറ്റ്, ചാൻസലർ, യു.ജി.സി. എന്നിവയുടെ പ്രതിനിധികൾ ഉൾപ്പെടുന്നതാണ് സെർച്ച് കമ്മിറ്റി. ബാംഗ്ലൂർ ഐ.ഐ.ടിയിലെ പ്രൊഫസർ ഇലുവാതിങ്കൽ ഡി. ജമ്മീസാണ് കമ്മിറ്റി കൺവീനർ. മുംബൈ യൂണിവേഴ്സിറ്റി വൈസ് ചാൻസലർ പ്രൊഫ. രവീന്ദ്ര ഡി. കുൽകർണിയും കമ്മിറ്റിയിലെ അംഗമാണ്.
