അഞ്ച് രൂപ കിട്ടാനില്ല, അതുകൊണ്ട് പത്താക്കി; ഒ പി ടിക്കറ്റ് നിരക്ക് കൂട്ടിയതില് വിചിത്രവാദവുമായി കടകംപള്ളി സുരേന്ദ്രന്
Jan 25, 2025, 15:08 IST


തിരുവനന്തപുരം: തിരുവനന്തപുരം മെഡിക്കല് കോളേജില് ഒ പി ടിക്കറ്റ് നിരക്ക് കൂട്ടിയതില് വിചിത്ര വാദവുമായി മുന് മന്ത്രി കടകംപള്ളി സുരേന്ദ്രന്. അഞ്ച് രൂപ ഇപ്പോള് കിട്ടാനില്ലെന്നും അതുകൊണ്ടാണ് പത്ത് രൂപയാക്കിയതെന്നുമാണ് കടകംപള്ളി സുരേന്ദ്രന്റെ വാദം.
അതേസമയം ആശുപത്രി വികസന സമിതിയുടേതാണ് ഒ പി ടിക്കറ്റ് നിരക്ക് വർധിപ്പിച്ചുള്ള തീരുമാനം. മറ്റുമെഡിക്കല് കോളേജുകളിലും നിരക്ക് ഏര്പ്പെടുത്തിയെന്ന് ചൂണ്ടികാട്ടിയാണ് തിരുവനന്തപുരം മെഡിക്കല് കോളേജിലും ഒപി ടിക്കറ്റ് നിരക്ക് ഏര്പ്പെടുത്താന് തീരുമാനിച്ചത്. എന്നാൽ ബിപിഎല് വിഭാഗത്തിന് ഒ പി സൗജന്യമായിരിക്കും.