.jpg)
സംസ്ഥാനത്ത് വീണ്ടും മഴ കനക്കും
Updated: Dec 11, 2024, 07:53 IST
ഇടുക്കി ,എറണാകുളം ,തൃശൂര് ജില്ലകളിലാണ് നാളെ ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
സംസ്ഥാനത്ത് വീണ്ടും മഴ കനക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ബംഗാള് ഉള്ക്കടലില് ശക്തി കൂടിയ ന്യൂനമര്ദ്ദം സ്ഥിതി ചെയ്യുന്ന സാഹചര്യത്തിലാണ് കേരളത്തില് മഴ ശക്തമാകുന്നത്.
നാളെ സംസ്ഥാനത്ത് അതിശക്ത മഴ മുന്നറിയിപ്പായ ഓറഞ്ച് അലര്ട്ട് 3 ജില്ലകളില് പ്രഖ്യാപിച്ചിട്ടുണ്ട്. ഇടുക്കി ,എറണാകുളം ,തൃശൂര് ജില്ലകളിലാണ് നാളെ ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
പത്തനംതിട്ട, കോട്ടയം, പാലക്കാട്, മലപ്പുറം, കോഴിക്കോട്, വയനാട്, ജില്ലകളില് മഞ്ഞ അലര്ട്ടായിരിക്കും. ഈ ജില്ലകളില് ഒറ്റപ്പെട്ട മഴക്ക് സാധ്യതയുണ്ട്.
