വാല്പ്പാറയില് കാട്ടാനയുടെ ആക്രമണത്തില് പരിക്കേറ്റ വിദേശ പൗരന് മരിച്ചു
Feb 5, 2025, 04:37 IST


ചൊവ്വാഴ്ച വൈകീട്ട് ബൈക്കില് സഞ്ചാരിക്കുകയായിരുന്ന മൈക്കിളിനെ കാട്ടാന ആക്രമിക്കുകയായിരുന്നു.
വാല്പ്പാറയില് കാട്ടാനയുടെ ആക്രമണത്തില് പരിക്കേറ്റ വിദേശ പൗരന് മരിച്ചു. ബ്രിട്ടീഷ് പൗരനായ മൈക്കിളാണ് മരിച്ചത്. ചൊവ്വാഴ്ച വൈകീട്ട് ബൈക്കില് സഞ്ചാരിക്കുകയായിരുന്ന മൈക്കിളിനെ കാട്ടാന ആക്രമിക്കുകയായിരുന്നു.
വാല്പ്പാറ-പൊള്ളാച്ചി റോഡിലായിരുന്നു സംഭവം. റോഡില് നിലയുറപ്പിച്ച കാട്ടാനയ്ക്ക് പിന്നിലൂടെ ബൈക്കില് പോകുകയായിരുന്നു മൈക്കിള്. ഇതിനിടെ ആന ആക്രമിക്കുകയായിരുന്നു. മൈക്കിള് ബൈക്കില് നിന്ന് വീഴുകയും എണീറ്റുനിന്നതോടെ വീണ്ടും ആന ആക്രമിക്കുകയുമായിരുന്നു.
കാട്ടാന ആക്രമണത്തില് ?ഗുരുതരമായി പരിക്കേറ്റ മൈക്കിളിനെ ആദ്യം എസ്റ്റേറ്റ് ആശുപത്രിയിലും പിന്നീട് പൊള്ളാച്ചിയിലെ ആശുപത്രിയിലേക്ക് മാറ്റുകയുമായിരുന്നു.