.jpg)
ശരീരത്തിലെ പാടുകള് മീന് കൊത്തിയത് ; എഞ്ചിനീയറിങ് വിദ്യാര്ത്ഥികളുടേത് മുങ്ങിമരണമെന്ന് പോസ്റ്റ്മോര്ട്ടം റിപ്പോര്ട്ട്
Updated: Dec 23, 2024, 08:01 IST
ഇടുക്കി മുരിക്കാശേരി കൊച്ചുകരോട്ട് ഡോണല് ഷാജി (22) സൈബര് സെക്യൂരിറ്റി ഒന്നാം വര്ഷ വിദ്യാര്ത്ഥിനി കൊല്ലം തലവൂര് മഞ്ഞക്കാല പള്ളികിഴക്കേസില് അക്സാ റെജി (18) എന്നിവരെയാണ് ശനിയാഴ്ച അരുവിക്കര വെള്ളച്ചാട്ടത്തില് മരിച്ച നിലയില് കണ്ടെത്തിയത്.
എഞ്ചിനീയറിങ് വിദ്യാര്ത്ഥികളുടേത് മുങ്ങിമരണമെന്ന് പോസ്റ്റ്മോര്ട്ടം റിപ്പോര്ട്ട്. മൂന്നാം വര്ഷ കമ്പ്യൂട്ടര് സയന്സ് വിദ്യാര്ത്ഥി ഇടുക്കി മുരിക്കാശേരി കൊച്ചുകരോട്ട് ഡോണല് ഷാജി (22) സൈബര് സെക്യൂരിറ്റി ഒന്നാം വര്ഷ വിദ്യാര്ത്ഥിനി കൊല്ലം തലവൂര് മഞ്ഞക്കാല പള്ളികിഴക്കേസില് അക്സാ റെജി (18) എന്നിവരെയാണ് ശനിയാഴ്ച അരുവിക്കര വെള്ളച്ചാട്ടത്തില് മരിച്ച നിലയില് കണ്ടെത്തിയത്.
മരണത്തില് അസ്വാഭാവികതയില്ലെന്നാണ് പോസ്റ്റ്മോര്ട്ടം റിപ്പോര്ട്ട്.
ഡോണല് ഷാജിയുടെ ചുണ്ടിലും ഇരു ചെവികളിലും കണ്ണിലും മുറിവുണ്ടായിരുന്നു. ഇത് മീന് കൊത്തിയതാണെന്ന് പോസ്റ്റ്മോര്ട്ടത്തില് വ്യക്തമായെന്ന് പോലീസ് പറഞ്ഞു.
മൃതദേഹം ഇന്ക്വസ്റ്റ് പൂര്ത്തിയാക്കി. പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കി.
