.jpg)
കലൂര് സ്റ്റേഡിയത്തിലെ നൃത്ത പരിപാടിയിലെ സാമ്പത്തിക തട്ടിപ്പ് ; മുന്കൂര് ജാമ്യം തേടി പ്രതികള്
Jan 3, 2025, 07:54 IST
മൂന്ന് പേരുടെയും മുന്കൂര് ജാമ്യാപേക്ഷ ഹൈക്കോടതിയുടെ അവധിക്കാല സിംഗിള് ബെഞ്ച് ഇന്ന് പരിഗണിക്കും.
കലൂര് സ്റ്റേഡിയത്തിലെ അപകടത്തെ തുടര്ന്ന് രജിസ്റ്റര് ചെയ്ത സാമ്പത്തിക തട്ടിപ്പ് കേസില് മുന്കൂര് ജാമ്യം തേടി മൂന്ന് പ്രതികള്.
പരിപാടിയുടെ സംഘാടകരായ മൃദംഗ വിഷന് എംഡി എം നിഗോഷ് കുമാര്, സിഇഒ ഷമീര് അബ്ദുല് റഹീം, സി മിനി എന്നിവരാണ് ഹൈക്കോടതിയെ സമീപിച്ചത്. മൂന്ന് പേരുടെയും മുന്കൂര് ജാമ്യാപേക്ഷ ഹൈക്കോടതിയുടെ അവധിക്കാല സിംഗിള് ബെഞ്ച് ഇന്ന് പരിഗണിക്കും.
പാലാരിവട്ടം പൊലീസ് രജിസ്റ്റര് ചെയ്ത രണ്ടാമത്തെ കേസില് സാമ്പത്തിക തട്ടിപ്പ്, വിശ്വാസ വഞ്ചന തുടങ്ങിയ കുറ്റങ്ങളാണ് മൂന്ന് പ്രതികള്ക്കുമെതിരെ ചുമത്തിയത്. സ്റ്റേഡിയം അപകട കേസില് എം നിഗോഷ് കുമാര് പൊലീസിന്റെ കസ്റ്റഡിയിലാണ്. ഈ സാഹചര്യത്തില് സാമ്പത്തിക തട്ടിപ്പ് കേസിലെ അറസ്റ്റും പാലാരിവട്ടം പൊലീസ് രേഖപ്പെടുത്തും.
