.jpg)
ദിലീപും സംഘവും വിഐപി പരിഗണനയില് ശബരിമല ദര്ശനം നടത്തിയ സംഭവം ; ഹര്ജി ഹൈക്കോടതി ഇന്നു പരിഗണിക്കും
Dec 10, 2024, 06:31 IST
വീഴ്ച സ്ഥിരീകരിച്ച തിരുവിതാംകൂര് ദേവസ്വം ബോര്ഡ് ഹര്ജിയില് വിശദമായ സത്യവാങ്മൂലം നല്കും.
ദിലീപും സംഘവും വിഐപി പരിഗണനയില് ശബരിമല ദര്ശനം നടത്തിയ സംഭവത്തില് സ്വമേധയാ സ്വീകരിച്ച ഹര്ജി ഹൈക്കോടതി ഇന്ന് പരിഗണിക്കും. ഇന്നലെ പരിഗണിക്കേണ്ട ഹര്ജി ഇന്നത്തേക്ക് മാറ്റിയിരുന്നു. വീഴ്ച സ്ഥിരീകരിച്ച തിരുവിതാംകൂര് ദേവസ്വം ബോര്ഡ് ഹര്ജിയില് വിശദമായ സത്യവാങ്മൂലം നല്കും. ശബരിമല സ്പെഷല് കമ്മീഷണറും വിശദമായ റിപ്പോര്ട്ട് കോടതിയില് സമര്പ്പിക്കും.
'വിവാദ പരിഗണന'യില് നാല് പേര്ക്കെതിരെ നടപടിയെടുത്തതായി എക്സിക്യൂട്ടിവ് ഓഫീസര് ഹൈക്കോടതിയെ ഇന്ന് അറിയിക്കും. ദേവസ്വം ബോര്ഡിനെതിരെ ഹൈക്കോടതി രൂക്ഷവിമര്ശനമുന്നയിച്ച സാഹചര്യത്തിലാണ് നടപടി. കൊച്ചിയില് നടിയെ ആക്രമിച്ച കേസിലെ കൂട്ടുപ്രതി ശരത്തും ദിലീപിന്റെ മാനേജര് അപ്പുണ്ണിയുമാണ് ദിലീപിനൊപ്പം വിഐപി ദര്ശനം നേടിയത്.
