.jpg)
ബോബി ചെമ്മണ്ണൂര് കസ്റ്റഡിയില്
വയനാട് : ഹണി റോസിന്റെ പരാതിയില് വ്യവസായി ബോബി ചെമ്മണ്ണൂര് കസ്റ്റഡിയില്. മുന്കൂര് ജാമ്യാപേക്ഷ നല്കാനുള്ള സാധ്യത കണക്കിലെടുത്താണ് ബോബി ചെമ്മണ്ണൂരിനെ കസ്റ്റഡിയിലെടുത്തത്.
വയനാട്ടിലെ റിസോർട്ടില് നിന്നാണ് കൊച്ചിയില് നിന്നെത്തിയ അന്വേഷണ സംഘം കസ്റ്റഡിയിലെടുത്തത്. ഒളിവില് പോകാനായിരുന്നു ബോബി ചെമ്മണ്ണൂരിന്റെ ശ്രമം. ഉടനെ കൊച്ചിയിലേക്ക് കൊണ്ടുവരും. കസ്റ്റഡിയില് എടുത്ത വിവരം വയനാട് എസ് പി സ്ഥിരീകരിച്ചു.
പ്രത്യേക അന്വേഷണസംഘമാണ് കേസ് അന്വേഷിക്കുന്നത്. സെന്ട്രല് എസിപി ജയകുമാറിന്റെ മേല്നോട്ടത്തില് മൂന്ന് വനിതാ ഉദ്യോഗസ്ഥരടങ്ങുന്ന 10 പേരുടെ അന്വേഷണസംഘം രൂപീകരിച്ചിട്ടുണ്ട്.
നാല് മാസങ്ങള്ക്ക് മുമ്പ് ബോബി ചെമ്മണ്ണൂരിന്റെ കണ്ണൂർ ആലക്കോട് സ്വര്ണ്ണക്കടയുടെ ഉദ്ഘാടനത്തിനിടെയാണ് ദ്വയാര്ത്ഥപ്രയോഗവുമായി ബോബി ചെമ്മണ്ണൂര് ഹണി റോസിനെ അധിക്ഷേപിച്ചത്. തുടര്ന്ന് സമൂഹമാധ്യമങ്ങളിലൂടെയും അധിക്ഷേപം തുടരുകയായിരുന്നു.
