കെ.പി.സി.സി അധ്യക്ഷൻ കെ.സുധാകരൻ്റെ കണ്ണൂരിലെ വീട്ടിൽ കൂടോത്രം നടത്തിയതായി ആരോപണം

black magic

കണ്ണൂർ: കെപിസിസി പ്രസിഡൻ്റും കണ്ണൂർ പാർലമെൻ്റ് മണ്ഡലം എം പിയുമായ കെ സുധാകരനെ അപായപ്പെടുത്താൻ കൂടോത്രമെന്ന ആരോപണം വിവാദമാകുന്നു. ഇതുമായി ബന്ധപ്പെട്ട് കെപിസിസി അധ്യക്ഷൻ കെ.സുധാകരൻ്റെ കണ്ണൂർ നടാലിലെ വസതിയിൽ നിന്ന് നിരവധി വസ്തുക്കൾ കണ്ടെടുത്തിട്ടുണ്ട്.

എം.പിയെന്ന നിലയിൽ പൊലിസ് സുരക്ഷയുള്ള ഈ വീടിൻ്റെ കന്നിമൂലയിൽ നിന്നാണ് രൂപവും തകിടുകളും കണ്ടെത്തിയത്. തുടർന്ന് കാസർഗോഡ് എംപി രാജ്മോഹൻ ഉണ്ണിത്താന്റെ സാന്നിദ്ധ്യത്തിലാണ് വസ്തുക്കൾ പുറത്തെടുത്തത്. കെ സുധാകരന്റെ കണ്ണൂരിലെ വസതിയിൽ നിന്നുള്ള നിർണായക വീഡിയോ ദൃശ്യങ്ങളും ശബ്ദസംഭാഷണവും മാധ്യമങ്ങൾക്ക് ലഭിച്ചിട്ടുണ്ട്.

black magic 1

സംഭവത്തിനു പിന്നാലെ ശാരീരിക അസ്വസ്ഥതകൾ നേരിട്ടിരുന്നതായും ഉയിര് പോകാതിരുന്നത് ഭാഗ്യം എന്നുമുള്ള കെപിസിസി അധ്യക്ഷന്റെ ശബ്ദസംഭാഷണവും പുറത്ത് വന്നിട്ടുണ്ട്. ഇന്ദിരാഭവനിലെ കെപിസിസി അധ്യക്ഷൻ്റെ ഇരിപ്പിടത്തിനടിയിലും, പേട്ടയിലെ മുൻ താമസ സ്ഥലത്തിനും പുറമേ ഡൽഹിയിലെ നർമ്മദ ഫ്ലാറ്റിൽ നിന്നും തകിടുകൾ കണ്ടെടുത്തതായി പറയുന്നുണ്ട്. സംഭവം വിവാദമായെങ്കിലും കെ സുധാകരൻ ഇതുവരെ ഔദ്യോഗികമായി പ്രതികരിച്ചിട്ടില്ല. സംഭവം സോഷ്യൽ മീഡിയയിലും ചർച്ചയായിട്ടുണ്ട്.

Tags