.jpg)
ആരിഫ് മുഹമ്മദ് ഖാന് ബിഹാര് ഗവര്ണറാകുന്നു ; രാജേന്ദ്ര വിശ്വനാഥ് ആര്ലെകര് കേരള ഗവര്ണറാകും
ഗോവയില് നിന്നുള്ള ബിജെപി നേതാവ് ആര്ലെകര്.
കേരള ഗവര്ണര്ക്ക് മാറ്റം. ആരിഫ് മുഹമ്മദ് ഖാനെ ബിഹാര് ഗവര്ണറാക്കി ഉത്തരവിറങ്ങി. രാജേന്ദ്ര വിശ്വനാഥ് ആര്ലെകര് കേരള ഗവര്ണറാകും. ഗോവയില് നിന്നുള്ള ബിജെപി നേതാവ് ആര്ലെകര്. സംസ്ഥാന സര്ക്കാരും ആരിഫ് മുഹമ്മദ് ഖാനും തമ്മിലുള്ള ഏറ്റുമുട്ടല് തുടരുന്ന പശ്ചാത്തലത്തിലാണ് ആരിഫ് മുഹമ്മദ് ഖാന്റെ മാറ്റമെന്നതാണ് ശ്രദ്ധേയം. നേരത്തെ സെപ്റ്റംബര് അഞ്ചിന് ആരിഫ് മുഹമ്മദ് ഖാന് കേരള ഗവര്ണര് എന്ന നിലയില് അഞ്ച് വര്ഷം പൂര്ത്തിയാക്കിയിരുന്നു.
ഗോവ നിയമസഭാ മുന് സ്പീക്കറായിരുന്നു രാജേന്ദ്ര വിശ്വനാഥ് ആര്ലെകര്. നിലവില് ബിഹാര് ഗവര്ണറായി പ്രവര്ത്തിച്ച് വരികയായിരുന്നു. ഹിമാചല് പ്രദേശ് ഗവര്ണറായും സ്ഥാനം വഹിച്ച വ്യക്തിയാണ് രാജേന്ദ്ര വിശ്വനാഥ് ആര്ലെകര്. ചെറുപ്പം മുതല് ആര്എസ്എസ് പ്രവര്ത്തകനായിരുന്നു ആര്ലെകര്. 1980കളില് തന്നെ ഗോവ ബിജിപെയില് സജീവ സാന്നിധ്യമായിരുന്നു. പാര്ട്ടിയില് വിവിധ സ്ഥാനങ്ങളും അദ്ദേഹം വഹിച്ചിട്ടുണ്ട്.
