ആലത്തൂരിൽ 18കാരിയും ആൺസുഹൃത്തും തൂങ്ങിമരിച്ച നിലയിൽ

ആലത്തൂർ: യുവാവിനെയും യുവതിയെയും തൂങ്ങിമരിച്ച നിലയിൽ കണ്ടെത്തി. പാലക്കാട് വെങ്ങന്നൂർ വാലിപ്പറമ്പ് ഉണ്ണികൃഷ്ണൻ്റെ മകൾ ഉപന്യയും (18) കുത്തനൂർ ചിമ്പുകാട് മാറോണി കണ്ണൻ്റെ മകൻ സുകിൻ (23)മാണ് മരിച്ചത്. യുവതിയുടെ വീട്ടിലാണ് ഇരുവരേയും തൂങ്ങി മരിച്ച നിലയിൽ കണ്ടെത്തിയത്.

ഇവർ പ്രണയത്തിലായിരുന്നുവെന്നാണ് പോലീസ് നൽകുന്ന വിവരം. വെങ്ങന്നൂരിൽ അയ്യപ്പൻ വിളക്ക് നടക്കുന്ന സ്ഥലത്തായിരുന്നു ഉപന്യയും സുകിനും. രാത്രി 11ന് രണ്ടുപേരും ഉപന്യയുടെ വീട്ടിലേക്ക് എത്തുകയായിരുന്നു.

ഈ സമയം ഇവിടെ മറ്റാരും ഉണ്ടായിരുന്നില്ല. രാത്രി 12 മണിയോടെ ഉപന്യയുടെ സഹോദരൻ ഉത്സവ സ്ഥലത്തു നിന്ന് തിരിച്ച് എത്തിയപ്പോഴാണ് ഉപന്യയുടെ മുറിക്കുളിൽ ഒരു സാരിയുടെ രണ്ട് അറ്റത്തായി തൂങ്ങിയ നിലയിൽ ഇവരെ കണ്ടത്.