.jpg)
ആലപ്പുഴയിൽ തെരുവു നായയുടെ ആക്രമണത്തിൽ ഒന്നാം ക്ലാസ് വിദ്യാർത്ഥിനിക്ക് ഗുരുതര പരിക്ക്
Jan 8, 2025, 19:27 IST
ഹരിപ്പാട്: തെരുവു നായയുടെ ആക്രമണത്തിൽ ഒന്നാം ക്ലാസ് വിദ്യാർത്ഥിനിക്ക് ഗുരുതര പരിക്ക്. കഴിഞ്ഞ ദിവസം വൈകുന്നേരം 6 മണിയോടെ ഭക്ഷണം കഴിച്ചതിനു ശേഷം വീടിന് പുറത്തേക്ക് ഇറങ്ങുമ്പോൾ നായ ഓടി വന്ന് ആക്രമിക്കുകയായിരുന്നു.
കരുവാറ്റ തൈത്തടത്തിൽ സുനീഷ് - മാളു ദമ്പതികളുടെ മകൾ കൽഹയ്ക്കാണ് (6) പരിക്കേറ്റത്. മുഖത്ത് പരിക്കേറ്റ കൽഹയെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കുഴിക്കാട് ഇ എ എൽപിഎസ് വിദ്യാർത്ഥിനിയാണ് കൽഹ.
